गुजरातमध्ये अंबानींंची आंब्याची बाग, प्रदूषण थांबवण्याच्या प्रयत्नातून कोट्यावधींचा नफा

मुकेश अंबानी यांनी दशकभरापूर्वी आंबा निर्यातीतील नफ्याचा सुगंध व्यावसायिक कौशल्याने ओळखला होता.
RIL Mango, Mukesh Ambani
RIL Mango, Mukesh AmbaniDAinik Gomant

RIL Mango: देशातील सर्वात मौल्यवान कंपनी रिलायन्स इंडस्ट्रीजचे प्रमुख मुकेश अंबानी यांचा व्यवसाय जमिनीपासून आकाशापर्यंत पसरला आहे. त्याच्या व्यावसायिक क्षमतेच्या जोरावर ते भारत आणि आशियातील दुसऱ्या क्रमांकाचे सर्वात श्रीमंत व्यक्ती आहेत. अंबानींचा मुख्य व्यवसाय पेट्रोलियम, टेलिकॉम आणि रिटेल हा आहे. पण अंबानींच्या आंब्याच्या व्यवसायाबद्दल देशातील काही लोकांनाच माहिती असेल. मुकेश अंबानी यांच्या गुजरातमध्ये 600 एकरमध्ये मोठ्या आंब्याच्या बागा आहेत, ज्याच्या आधारे रिलायन्स देशातील आंब्याची सर्वात मोठी निर्यातदार कंपना बनली आहे.(Mukesh Ambani RIL Mango Market)

जामनगरमध्ये 600 एकरात आंब्याची लागवड

मुकेश अंबानी यांनी दशकभरापूर्वी आंबा निर्यातीतील नफ्याचा सुगंध व्यावसायिक कौशल्याने ओळखला होता. रिलायन्सने दोन दशकांपूर्वीच मोठ्या आंब्याची लागवड सुरू केली. आज रिलायन्सच्या आंब्याच्या बागा जामनगरमध्ये 600 एकरमध्ये पसरलेल्या आहेत. या बागेत 200 हून अधिक देशी-विदेशी जातींची दीड लाखाहून अधिक झाडे आहेत. धीरूभाई अंबानी लखीबाग अमराई असे या बागेचे नाव आहे. या बागेची कमान मुकेश यांच्या पत्नी नीता अंबानी यांच्याकडे आहे.

RIL Mango, Mukesh Ambani
मुकेश अंबानींनी अदानींना केले ओव्हरटेक, आशियातील बनले सर्वाधिक श्रीमंत व्यक्ती

हा आंबा इथे पिकतो

धीरूभाई अंबानी लखीबाग आमराईमध्ये आंब्यांच्या 200 हून अधिक जाती आहेत, त्यात केसर, अल्फोन्सो, रत्ना, सिंधू, नीलम आणि आम्रपाली या देशी जातींव्यतिरिक्त आंब्याच्या विदेशी जाती आहेत. त्यात फ्लोरिडाचा टॉमी अॅटकिन्स, केंट आणि लिली, अमेरिकेतील केट आणि इस्रायलचा माया अशा प्रकारांचा समावेश आहे. रिलायन्सची कंपनी जामनगर फार्म्स येथील फळांची विक्री करते. कंपनीकडे आंब्याचा एक खास ब्रँड आहे जो RIL मँगो म्हणून ओळखला जातो.

प्रदूषण थांबवण्याच्या प्रयत्नातून नफा

व्यापारी तोट्यात नफा कसा शोधतो हे रिलायन्सपेक्षा चांगले कोणालाच माहीत नाही. जामनगरमध्ये रिलायन्सची जगातील सर्वात मोठी रिफायनरी आहे, जिथून कंपनी इतर देशांना शुद्ध तेल निर्यात करते. तेल उत्पादन हे देखील मोठ्या प्रमाणावर प्रदूषणाचे एक कारण आहे. अशा परिस्थितीत कंपनीला प्रदूषण विभागाकडून नोटिसा येत होत्या. यातून ब्रेक घेत रिलायन्सने येथे आंबा बागायत सुरू केली, जी त्याच्यासाठी पिवळ्या सोन्यासारखी झळकत आहे.

खाऱ्या पाण्यात आंबा पिकवून मिळालेले यश

गुजरात हा आंबा उत्पादनासाठी कधीच प्रसिद्ध नव्हता. ओसाड जमीन, खारे पाणी आणि जोराचा वारा यामुळे आंबा लागवडीसाठी यापूर्वी कधीही मोठ्या प्रमाणावर प्रयत्न झाले नाहीत. पण तंत्रज्ञानाच्या मदतीने रिलायन्सने ते आंब्यासाठी सर्वात योग्य ठिकाण बनवले आहे. पाण्यातून मीठ काढून टाकण्यासाठी कंपनीने येथे डिसॅलिनेशन प्लांट उभारला आहे, जिथे समुद्राच्या पाण्यातून मीठ काढले जाते. त्याचबरोबर पाणी साठवण व ठिबक सिंचनाच्या सहाय्याने कमी पाण्यात जास्त शेती केली जाते.

RIL Mango, Mukesh Ambani
रिलायन्स इंडस्ट्रीज मुलांमध्ये विभागण्यास मुकेश अंबानी यांनी केली सुरुवात

आंब्याव्यतिरिक्त या फळांचीही लागवड केली जाते

या फळबागेत 30 हून अधिक प्रकारची फळे येतात. आंबा हे इथलं महत्त्वाचं फळ असलं तरी या व्यतिरिक्त पेरू, चिंच, काजू, ब्राझिलियन चेरी, चिकू, पीच, डाळिंब आणि काही औषधी वनस्पतीही इथे मुबलक प्रमाणात पिकतात. येथे प्रति हेक्टर 10 मेट्रिक टन फळांचे उत्पादन होते, ही क्षमता ब्राझील आणि इस्रायलपेक्षा जास्त आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com