उन्हाळा सुरू होताच इलेक्ट्रिक वाहनांना आग लागण्याच्या घटना एकामागून एक समोर येत आहेत. यावेळी नुकत्याच घडलेल्या घटनेत, इलेक्ट्रिक स्कूटर बनवणाऱ्या ओकिनावा ऑटोटेकच्या शोरूममध्ये आग लागली, ज्यामध्ये 17 इलेक्ट्रिक स्कूटर (electric scooter) जळून खाक झाल्या. (okinawa electric scooter dealership fire incident showroom burns down to ashes)
बॅटरी चार्ज करताना आग
ही घटना तामिळनाडूची आहे. पोरूर-कुंदरातूर येथील शोरूममध्ये एका ग्राहकाने आपल्या ई-बाईकची बॅटरी चार्ज करण्यासाठी ठेवली होती, त्याला काही वेळातच आग लागली. हळूहळू संपूर्ण शोरूम आगीत जळून खाक झाले.
यामध्ये 5 नवीन इलेक्ट्रिक (Electric) स्कूटर आणि सर्व्हिसिंगसाठी आलेल्या 12 जुन्या इलेक्ट्रिक स्कूटर जळून खाक झाल्या. या घटनेबाबत पोलिसांनी गुन्हा दाखल करून तपास सुरू केला आहे.
संपूर्ण शोरूमध्ये धुराचे लोट
आग लागल्यानंतर शोरूममधून धुराचे लोट उठू लागले, जे पाहून लोक घाबरले. या घटनेनंतर परिसरातील नागरिक जमा झाल्याने वाहतूक कोंडी झाली. त्यानंतर पोलिसांच्या (Police) मदतीने जमाव हटवण्यात आला. मात्र, आगीच्या या घटनेत कोणतीही जीवितहानी झालेली नाही, ही दिलासादायक बाब आहे. स्थानिक लोकांच्या मदतीने आग आटोक्यात आणण्यात आली, मात्र त्यापूर्वीच संपूर्ण शोरूम जळून खाक झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
