पेट्रोल आणि डिझेलच्या दरात सलग दुसऱ्या दिवशी वाढ

सरकारी तेल कंपन्यांनी डिझेलच्या (Diesel) दरात 25 पैशांनी वाढ केली आहे तर पेट्रोल 20 पैशांनी प्रति लिटर महागले आहे.
पेट्रोल आणि डिझेलच्या दरात सलग दुसऱ्या दिवशी वाढ
Petrol-Diesel becomes expensive againDainik Gomantak

शनिवारी पुन्हा पेट्रोल (Petrol)आणि डिझेलचे (Diesel) दर वाढले. सरकारी तेल कंपन्यांनी डिझेलच्या दरात 25 पैशांनी वाढ केली आहे तर पेट्रोल 20 पैशांनी प्रति लिटर महागले आहे. पुन्हा एकदा सलग दुसऱ्या दिवशी दिल्लीत पेट्रोल आता 102.14 रुपये प्रति लीटर झाले आहे. तर डिझेल 90.48 रुपयांवर पोहोचले आहे. त्याचबरोबर भोपाळमध्ये पेट्रोल 110.59 रुपये प्रति लिटरने विकले जात आहे.

काल शुक्रवारी पेट्रोलच्या दरात प्रतिलिटर 25 पैसे आणि डिझेलच्या दरात 30 पैशांनी वाढ करण्यात आली होती. यामुळे या उत्पादनांच्या किमती सर्वकालीन उच्चांपर्यंत पोहोचल्या. सार्वजनिक क्षेत्रातील तेल कंपन्यांनी जारी केलेल्या किंमतीच्या अधिसूचनेनुसार, दिल्लीत पेट्रोलची किंमत 101.89 रुपये प्रति लीटरच्या विक्रमी उच्चांकावर पोहोचली होती, तर मुंबईत हा आकडा 107.95 रुपये प्रति लीटरच्या पातळीवर पोहोचला. स्थानिक कर आणि मालवाहतुकीवर अवलंबून देशाच्या वेगवेगळ्या भागात पेट्रोल आणि डिझेलचे दर बदलतात.

Petrol-Diesel becomes expensive again
सावधान! टाटाचा 'हा' मेसेज ओपन करताय तर एकदा ही बातमी वाचा

यासह, मध्य प्रदेश, राजस्थान, ओडिशा, आंध्र प्रदेश आणि तेलंगणातील अनेक शहरांमध्ये डिझेलची किंमत 100 रुपये प्रति लीटरची पातळी ओलांडली आहे, तर देशातील बहुतेक प्रमुख शहरांमध्ये पेट्रोल 100 रुपये प्रति लीटर पार केले आहे. तेल कंपन्यांनी स्वीकारलेल्या किंमतीच्या सूत्रानुसार, पेट्रोल आणि डिझेलच्या दराचा आढावा घेतला जातो आणि दररोज ते बदलले जातात. पेट्रोल-डिझेलचे नवीन दर सकाळी 6 पासून लागू झाले आहेत.

दिल्ली - 102.14 90.48

मुंबई - 108.15 98.12

चेन्नई - 99.76 94.99

कोलकाता - 102.74 93.54

भोपाळ - 110.59 99.37

लखनौ - 99.20 90.85

Related Stories

No stories found.