PM Kisan: सरकारकडून आर्थिक मदत हवी का? लगेच करा नोंदणी; खात्यात येतील पैसे

PM Kisan Update: शेतकऱ्यांच्या हितासाठी सरकारने अनेक पावले उचलली आहेत. यासोबतच सरकार शेतकऱ्यांच्या मदतीसाठी अनेक योजना राबवत आहे. शासनाच्या वतीने शेतकऱ्यांचे कल्याण हा या योजनांचा उद्देश आहे. त्याच वेळी, पीएम किसान सन्मान निधी (PM-Kisan Samman Nidhi) देखील सरकारद्वारे चालवली जात आहे. या योजनेत शेतकऱ्यांना वर्षभरात 6000 रुपये शासनाकडून दिले जातात. तरीही अनेक शेतकरी शासनाच्या या योजनेपासून वंचित आहेत.

दरम्यान, प्रत्येक पात्र शेतकऱ्याला पीएम किसान सन्मान निधीचा लाभ मिळावा अशी सरकारची इच्छा आहे. अशा परिस्थितीत शेतकरी (Farmer) पीएम किसान योजनेसाठी स्वतःची नोंदणी करुन लाभ घेऊ शकतात.

तसेच, PM-KISAN ही एक प्रमुख केंद्रीय योजना आहे, जी पात्र शेतकरी कुटुंबांसाठी 2019 मध्ये सुरु करण्यात आली. पात्र शेतकरी कुटुंबांना प्रत्येकी 2000 रुपयांच्या तीन हप्त्यांमध्ये दरवर्षी 6000 रुपये देण्याची योजना सुरु करण्यात आली. दुसरीकडे, नवीन शेतकऱ्यांना या योजनेत सहभागी व्हायचे असेल, तर त्यांना काही स्टेप्स फॉलो कराव्या लागतील.

सर्वप्रथम पीएम किसान सन्मान निधीच्या अधिकृत वेबसाइट https://pmkisan.gov.in/ वर जा. Farmers Corner येथे New Farmer Registration वर क्लिक करा. आता Rural Farmer Registration किंवा Urban Farmer Registration चा ​​पर्याय निवडून तुमचा आधार कार्ड क्रमांक, मोबाइल क्रमांक आणि राज्य निवडा. यानंतर Captcha Code टाका आणि Get OTP वर क्लिक करा. - आता OTP टाकून पुढे जा - यानंतर तुमचे राज्य, जिल्हा, बँक (Bank) तपशील आणि वैयक्तिक तपशील भरा.

शिवाय, आधार कार्डानुसार (Aadhar Card) तुमची पुढील माहिती भरा. यानंतर आता Submit For Aadhaar Authentication वर क्लिक करा. तुमचे Aadhaar Authentication पूर्ण झाल्यावर तुमच्या जमिनीची माहिती द्या, त्यानंतर आवश्यक कागदपत्रे अपलोड करा आणि save वर क्लिक करा. यानंतर स्क्रीनवर एक मेसेज येईल. ज्यामध्ये कन्फर्मेशन आणि रिजेक्शनची माहिती दिली जाईल.