महागाईचा पुन्हा सर्वसामान्यांना फटका, घरगुती गॅसच्या दरात 50 रुपयांची वाढ

गॅस सिलिंडरच्या किंमतीत गेल्या आठवड्यात 102 रुपयांनी वाढ करण्यात आली होती
Gas Cylinder
Gas CylinderDainik Gomantak

देशात पुन्हा एकदा महागाईचा फटका जनतेला बसणार आहे. घरगुती एलपीजी (14.2 किलो) सिलिंडरच्या किमतीत 50 रुपयांनी वाढ झाली आहे. शनिवारी एलपीजी गॅस सिलिंडर तेल कंपन्यांनी 50 रुपयांनी महाग केला आहे. यासह, आता दिल्लीत घरगुती एलपीजी सिलिंडरची किंमत 999.50 रुपयांवर गेली आहे. मार्च 2022 मध्येही सिलिंडरच्या दरात 50 रुपयांनी वाढ करण्यात आली होती. त्याच वेळी, व्यावसायिक गॅस सिलिंडरच्या किंमतीत गेल्या आठवड्यात 102 रुपयांनी वाढ करण्यात आली होती, त्यानंतर त्याची किंमत 2253 रुपये करण्यात आली होती. (LPG Price Hike)

Gas Cylinder
जाणून घ्या आजचे गोव्यातील पेट्रोल-डिझेलचे दर

सर्वसामान्य नागरिक पेट्रोल आणि डिझेलच्या महागाईचा सामना करत असताना एलपीजी गॅस सिलिंडरच्या दरात वाढ झाली आहे. आता एलपीजीच्या वाढलेल्या किमतीही सर्वसामान्यांचा खिसा खाली करणार असं दिसत आहे. 1 मे रोजी 19 किलोच्या व्यावसायिक एलपीजी गॅस सिलेंडरची किंमत 102.50 रुपयांनी वाढवण्यात आली होती. त्यानंतर व्यावसायिक गॅस सिलिंडरची किंमत 2355.50 रुपयांवर पोहोचली. त्याचबरोबर 5 किलोच्या एलपीजी गॅस सिलेंडरची किंमतही 655 रुपयांवर पोहोचली आहे.

Gas Cylinder
चौथ्या तिमाहीत 16,203 कोटींचा नफा मिळवणारी Reliance पहिली भारतीय कंपनी

याआधी कमर्शिअल गॅस सिलिंडरच्या दरात 250 रुपयांनी वाढ करण्यात आली होती. त्यानंतर 1 एप्रिलपासून व्यावसायिक गॅस सिलिंडरच्या किमती 2,253 रुपये करण्यात आल्या. त्याच वेळी, 1 मार्च रोजी, व्यावसायिक गॅस सिलिंडरच्या दरात पुन्हा 105 रुपयांनी वाढ करण्यात आली. देशातील सर्वसामान्य जनता सध्या पेट्रोल आणि डिझेलच्या वाढलेल्या किमतींमुळे हैराण झाली आहे. दरम्यान, एलपीजी गॅस सिलिंडरची महागाई त्यांना आणखी रडवणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com