Budget 2022: 'ज्येष्ठ नागरिकांना FD वर विशेष व्याजदर द्यावा'

शिवसेना खासदार प्रियांका चतुर्वेदी (Priyanka Chaturvedi) यांनी अर्थमंत्री निर्मला सीतारामन यांना ज्येष्ठ नागरिकांसाठी मुदत ठेव (FD) विशेष व्याजदर निश्चित करण्याची विनंती केली आहे.
Budget 2022
Budget 2022Dainik Gomantak

शिवसेना खासदार प्रियांका चतुर्वेदी यांनी अर्थमंत्री निर्मला सीतारामन यांना ज्येष्ठ नागरिकांसाठी मुदत ठेव (FD) विशेष व्याजदर निश्चित करण्याची विनंती केली आहे. यासोबतच टपाल बचत योजना आणि भविष्य निर्वाह निधी (PPF) मधील गुंतवणुकीची मर्यादा हटवण्याचे आवाहनही त्यांनी केले आहे. चतुर्वेदी (Priyanka Chaturvedi) यांनी सीतारामन (Finance Minister Nirmala Sitharaman) यांना लिहिलेल्या पत्रात म्हटले आहे की, बचत योजनांवरील कमी व्याजदरांमुळे आज ज्येष्ठ नागरिकांकडे निवृत्ती निधी खूपच कमी आहे. यामुळे त्यांच्या खिशावर मोठा भार पडला आहे, विशेषत: कोरोना काळात, ज्यामुळे त्यांना खूप त्रास सहन करावा लागला आहे. (Priyanka Chaturvedi Has Demanded That Senior Citizens Should Be Given Special Interest Rates On FDs)

दरम्यान, महाराष्ट्राचे राज्यसभा सदस्य चतुर्वेदी म्हणाल्या, "सर्वसाधारण अर्थसंकल्प ही एक संधी आहे, जेव्हा सरकार अशा लोकांच्या समस्या दूर करु शकते आणि त्यांना दिलासा देऊ शकते." “वाढत्या महागाईमुळे व्याजदर सध्या खूपच कमी आहे. अलिकडच्या वर्षांत एफडीवरील व्याजदर 12 टक्क्यांवरुन पाच टक्क्यांवर आला आहे. पोस्टल बचतीवरील व्याजदर 7 टक्क्यांवर आला असून गुंतवणुकीची मर्यादा 15 लाख रुपये आहे.

Budget 2022
आर्थिक आढावा एकाच विभागात येण्याची शक्यता, विकास दर असू शकतो 9%

त्या पुढे म्हणाल्या की पीपीएफच्या बाबतीत, गुंतवणुकीची वार्षिक मर्यादा केवळ 1.5 लाख रुपये आहे. एवढेच नाही तर PPF व्यतिरिक्त इतरांवरही कर आकारला जातो. या पत्रात म्हटले आहे की, कमी व्याजदरामुळे आज ज्येष्ठ नागरिक आणि सेवानिवृत्त कर्मचाऱ्यांना आपले घर व्यवस्थित चालवण्यासाठी पुरेसे उत्पन्न नाही.

शिवाय, ज्येष्ठ नागरिक आणि सेवानिवृत्तांच्या चिंता दूर करण्यासाठी बँक एफडीवर विशेष व्याजदर निश्चित करावा, अशी विनंती त्यांनी अर्थमंत्र्यांना केली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com