RBI Imposes Penalty: नॅशनल हाऊसिंग बँकेच्या (NHB) काही तरतुदी पूर्ण न केल्याबद्दल रिझर्व्ह बँक ऑफ इंडिया (RBI) ने HDFC ला दंड ठोठावला आहे.
आरबीआयने हाऊसिंग डेव्हलपमेंट फायनान्स कॉर्पोरेशन लिमिटेड (एचडीएफसी लिमिटेड) ला पाच लाख रुपयांचा दंड ठोठावला आहे.
आरबीआयने दिलेल्या माहितीत असे सांगण्यात आले की, 31 मार्च 2022 पर्यंत कंपनीच्या आर्थिक स्थितीच्या आधारावर एनएचबीने कंपनीची वैधानिक तपासणी केली होती.
आरबीआयच्या (RBI) निवेदनात असे सांगण्यात आले की, तपासादरम्यान हे उघड झाले आहे की कंपनी 2019-20 मध्ये काही ठेवीदारांच्या मुदतपूर्ती ठेवी त्यांच्या घोषित बँक खात्यांमध्ये हस्तांतरित करु शकली नाही.
निवेदनानुसार, यानंतर कंपनीला कारणे दाखवा नोटीस बजावण्यात आली की, दंड का आकारु नये. त्यात म्हटले आहे की, 'कंपनीच्या उत्तराचा विचार केल्यानंतर, तरतुदींचे पालन न केल्याचा आरोप पुरेसा असून त्यावर दंड ठोठावण्यात यावा, या निष्कर्षाप्रत रिझर्व्ह बँक आली.'
बँकिंग नियमांचे पालन न केल्याबद्दल आरबीआयने यापूर्वीही बँकांना दंड ठोठावला आहे. निर्देशांचे पालन न केल्याबद्दल मुंबईच्या (Mumbai) झोरोस्ट्रियन को-ऑपरेटिव्ह बँकेला 1.25 कोटी रुपयांचा दंड ठोठावण्यात आला आहे. यावर आरबीआयने म्हटले होते की, झोरोस्ट्रियन बँक रिस्ट्रिक्टेड लेटर ऑफ क्रेडिट (एलसी) वरील सूचना आणि नियमांच्या तरतुदींचे पालन करण्यात अयशस्वी ठरली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
