रिझर्व्ह बँक ऑफ इंडिया (RBI) ने सांगितले आहे, ग्राहकांसाठी सतत कार्यरत असलेल्या बॅंका डिजिटल बँकिंग युनिट्स उघडू शकतात. ही युनिट्स दोन प्रकारची असणार आहेत. जिथे पहिले ग्राहक सर्व सेवाचा लाभ स्वत: घेतील. दुसऱ्यामध्ये ग्राहकांना मदत केली जाईल. देशाला स्वातंत्र्य मिळून 75 वर्षे पूर्ण झाल्यानिमित्त केंद्र सरकारने अर्थसंकल्पामध्ये 75 जिल्ह्यांमध्ये जवळपास 75 युनिट्सची स्थापना करणार असल्याची घोषणा केली होती.
डिजिटल बँकिंग युनिट्स (DBUs) च्या स्थापना संदर्भात RBI ने मार्गदर्शक तत्वे जाहीर केले आहेत. या युनिट्सद्वारे सेवांमध्ये खाते उघडणे, रोख पैसे काढणे, ठेवी, KYC अपडेट, कर्ज आणि तक्रार नोंदणी या सेवांचा लाभ घेत येणार आहे. बँकांमध्ये (Bank) उघडलेल्या डिजिटल बँकिंग युनिट्समध्ये अशा प्रकारच्या सेवांचा समावेश असल्याने ग्राहकांना या सेवांचा फायदा होणार आहे.
मार्गदर्शक तत्त्वांमध्ये असे सांगण्यात आले आहे की, डिजिटल बँकिंग उत्पादने आणि सेवा संपूर्णपणे डिजिटल आहेत, जेथे ग्राहक स्वत: उत्पादने किंवा सेवांचा लाभ घेऊ शकतील.
* कोणत्या बँकांना परवानगी आहे
मार्गदर्शक तत्त्वांनुसार, डिजिटल बँकिंगचा अनुभव असलेल्या अनुसूचित व्यावसायिक बँकांना RBI ची परवानगी न घेता टियर-1 ते टियर-VI केंद्रांमध्ये डिजिटल बँकिंग युनिट्स उघडण्याची परवानगी देण्यात आली आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
