मुंबई : बॅंका तसेच वाहन उद्योगातील समभागांच्या खरेदीमुळे आज मुंबई शेअर बाजाराने इतिहासात प्रथमच ४४ हजारांचा टप्पा पार केला. दुसरीकडे निफ्टीनेदेखील आज सर्वकालिक उच्चांक नोंदवत १३ हजार अंशांना स्पर्श केला. बुधवारी सकाळी बाजार सुरू झाल्यापासून ४४ हजारांच्या आसपास रेंगाळणाऱ्या सेन्सेक्सने दुपारनंतर ४४ हजारांपलीकडे झेप घेतली. ४४,२१५.४९ असा सर्वकालिक उच्चांक नोंदविल्यानंतर दिवसअखेरीस तो ४४,१८०.०५ अंशावर बंद झाला. कालच्या बंद भावापेक्षा २२७.३४ अंशांची ही वाढ आहे; निफ्टीनेदेखील आज १२,९४८.८५ अंशांचा सर्वकालिक उच्चांक नोंदवला; मात्र तेथून घसरून तो दिवस अखेरीस १२,९३८.२५ अंशांवर बंद झाला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.