सेन्सेक्स 454 अंकांच्या वाढीसह झाला बंद

आशियाई बाजारांमध्ये (Asian markets) हाँगकाँगचा हँग सेंग आणि जपानचा निक्केई वधारला, तर चीनचा शांघाय कंपोझिट इंडेक्स आणि दक्षिण कोरियाचा कोस्पी घसरला.
सेन्सेक्स 454 अंकांच्या वाढीसह झाला बंद
ShareMarket Dainik Gomantak

बीएसई सेन्सेक्स (BSE Sensex) आणि एनएसई निफ्टी (NSE Nifty) मासिक फ्युचर्स आणि ऑप्शन्स विभागातील शेवटच्या दिवसाच्या बंद खरेदीमुळे आणि हेवीवेट रिलायन्स इंडस्ट्रीजच्या निर्देशांकातील वाढीमध्ये वधारत राहिले.

व्यापार्‍यांच्या मते, अमेरिकन डॉलरच्या (USD) तुलनेत रुपयाच्या विनिमय दरात झालेली घसरण, विदेशी निधीचा सतत प्रवाह आणि जागतिक स्तरावर संमिश्र कल यामुळे चढ-उतारावर आळा बसला. 30 शेअर्सचा सेन्सेक्स 454.10 अंकांनी म्हणजेच 0.78 टक्क्यांनी वाढून 58,795.09 वर बंद झाला. त्याचप्रमाणे राष्ट्रीय शेअर बाजाराचा निफ्टी 121.20 अंकांनी म्हणजेच 0.70 टक्क्यांनी वाढून 17,536.25 अंकांवर बंद झाला. सेन्सेक्सच्या शेअर्समध्ये रिलायन्स इंडस्ट्रीज सर्वात जास्त 6.10 टक्क्यांनी वाढला.

याशिवाय आयटीसी, इन्फोसिस, टेक महिंद्रा, टायटन आणि भारती एअरटेल यांचे समभागही मोठ्या प्रमाणात वधारले. दुसरीकडे, घसरलेल्या समभागांमध्ये मारुती, आयसीआयसीआय बँक, इंडसइंड बँक, एचयूएल, अॅक्सिस बँक, बजाज ऑटो आणि एल अँड टी यांचा समावेश आहे.

ShareMarket
सेन्सेक्स 61 हजारांवर, तर या तीन बड्या कंपन्यांचे IPO आज मार्केटमध्ये

वाढत्या महागाईचा परिणाम

आशिका स्टॉक चे संशोधन प्रमुख अरिजित मलाकर म्हणाले, मासिक फ्युचर्स आणि ऑप्शन्स विभागातील शेवटच्या पोझिशन्सने बाजारातील तेजीला समर्थन दिले. तथापि, जगातील विविध देशांमध्ये वाढती महागाई आणि कोविड-19 (Covid 19 )च्या वाढत्या प्रकरणांमुळे भावना कमकुवत राहू शकते.

एफपीआयने बुधवारी ५१२२ कोटी रुपये

इतर आशियाई बाजारांमध्ये हाँगकाँगचा (Hong Kong) हँग सेंग आणि जपानचा निक्केई वधारला, तर चीनचा शांघाय कंपोझिट इंडेक्स आणि दक्षिण कोरियाचा कोस्पी घसरला. दुपारच्या सत्रात युरोपातील प्रमुख बाजारांमध्ये सकारात्मक कल होता. दरम्यान, आंतरराष्ट्रीय तेल बेंचमार्क ब्रेंट क्रूड 0.38 टक्क्यांनी घसरून $81.94 प्रति बॅरलवर आले. अमेरिकन डॉलरच्या तुलनेत रुपया 12 पैशांनी घसरून 74.52 वर बंद झाला. शेअर बाजाराकडे उपलब्ध आकडेवारीनुसार, बुधवारी विदेशी संस्थागत गुंतवणूकदारांनी 5,122.65 कोटी रुपयांचे समभाग विकले.

Related Stories

No stories found.
Dainik Gomantak | दैनिक गोमन्तक
www.dainikgomantak.com