SBI Loss: देशातील सर्वात मोठी सरकारी बँक पहिल्या तिमाहीत तोट्यात, एवढा घटला नफा

 SBI
SBI Danik Gomantak

देशातील सर्वात मोठी सरकारी बँक, स्टेट बँक ऑफ इंडियाने (State Bank Of India) पहिल्या तिमाहीचा नफा-तोटा जाहीर केला आहे. स्टँडअलोन (Standalone) आधारावर चालू आर्थिक वर्षाच्या पहिल्या तिमाहीत स्टेट बँक ऑफ इंडियाच्या निव्वळ नफ्यात 7 टक्क्यांनी घट झाली आहे. बँकेचा निव्वळ नफा 6,069 कोटी रुपयांवर आला आहे. उत्पन्न घटल्याने बँकेचा नफाही कमी झाल्याचे दिसून येत आहे.

किती घटले उत्पन्न?

स्टेट बँक ऑफ इंडियाचे वर्ष 2022-23 च्या पहिल्या तिमाहीत आर्थिक उत्पन्न 74,998.57 कोटी रुपयांवर घसरले आहे. मागील वर्षी याच तिमाहीत बँकेचे उत्पन्न 77,347.17 कोटी रुपये होते.

स्टेट बँकने शनिवारी स्टॉक एक्स्चेंजला दिलेल्या माहितीनुसार, गेल्या वर्षी एप्रिल-जून तिमाहीत बँकेला 6,504 कोटी रुपयांचा निव्वळ नफा झाला होता.

 SBI
Dabolim: चिमुरडीचा जन्मदात्रीनेच घोटला गळा कारण...

NPA किती ?

बँकेचे ढोबळ अनुत्पादक मालमत्ता (NPA) गुणोत्तर मागील वर्षीच्या 5.32 टक्क्यांवरून तिमाहीत 3.91 टक्क्यांवर पोहोचले. त्याचप्रमाणे, निव्वळ NPA देखील जून 2022 मध्ये 1.02 टक्‍क्‍यांवर घसरला आहे. मागील वर्षाच्या जून तिमाहीत तो 1.7 टक्‍क्‍यांवर होता.

स्टेट बँकेचा निव्वळ नफा किरकोळ घसरून 7,325.11 कोटी झाला आहे. गेल्या वर्षी एप्रिल-जूनमध्ये ते 7,379.91 कोटी रुपये होते. SBI च्या स्टॉकबद्दल (SBI Stocks) बोलायचे तर कंपनीच्या स्टॉकने YTD वेळेत गुंतवणूकदारांना (Investors) 13 टक्के परतावा दिला आहे. त्याच वेळी, गेल्या एका वर्षात 22.20 टक्के परतावा दिला आहे आणि गेल्या पाच वर्षांत गुंतवणूकदारांना 90.02 टक्के परतावा दिला आहे.

 SBI
गोवा बोर्ड 2022-23 साठी 2 सत्रात होणार परीक्षा

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com