अनिल अंबानींचे टेन्शन वाढले! रिलायन्स कॅपिटल खरेदीच्या शर्यतीतून टाटा, अदानी बाहेर

अनिल अंबानींच्या अडचणी वाढतच चालल्या आहेत.
Anil Ambani
Anil Ambani Dainik Gomantak

अनिल अंबानी यांच्या अडचणी वाढतच चालल्या आहेत. अंबानींच्या रिलायन्स कॅपिटलला खरेदीदार मिळत नाहीये. तर दुसरीकडे, दिवाळखोरीचा सामना करत असलेल्या रिलायन्स कॅपिटलच्या लिलाव प्रक्रियेतून पाच मोठ्या लिलावकर्त्यांनी त्यांच्या बोली मागे घेतल्या आहेत. या पाच कंपन्यांमध्ये अदानी आणि टाटा समूहाचाही समावेश आहे.

फायनान्शिअल एक्स्प्रेसमधील वृत्तानुसार, कर्जबाजारी रिलायन्स कॅपिटल (RCAP) ची मालमत्ता खरेदी करण्याच्या शर्यतीतून अदानी आणि टाटा (Tata) यांच्यासह पाच प्रमुख लिलावकर्ते बाहेर पडले आहेत. मोठी बोली लावणाऱ्यांमध्ये पिरामल एंटरप्रायझेस हे एकमेव नाव उरले आहे.

Anil Ambani
अनिल अंबानींच्या कंपनीच्या सिक्योर बॉन्डचा होणार लिलाव, LIC ने मागवले अर्ज

या कंपन्या बाहेर पडल्या

सूत्रांनी दिलेल्या माहितीनुसार, ब्लॅकस्टोन, एचडीएफसी (HDFC) एर्गो, आयसीआयसीआय लोम्बार्ड, टाटा समूह आणि अदानी समूह यांनी या लिलाव प्रक्रियेतून माघार घेतली आहे. टाटा सन्सची उपकंपनी असलेल्या टाटा एआयजी जनरल इन्शुरन्स कंपनीने यापूर्वी RCap चे सामान्य विमा युनिट खरेदी करण्यात स्वारस्य दाखवले होते.

Anil Ambani
टॉप 10 श्रीमंतांच्या यादीत मुकेश अंबानी एकमेव भारतीय

FE बातम्यांनुसार, पिरामल एंटरप्रायझेस अजूनही रिलायन्स कॅपिटल विकत घेण्याच्या शर्यतीत असून निधीसाठी येस बँक आणि टोरेंट ग्रुपशी बोलणी करत आहे. याशिवाय, झुरिच इन्शुरन्सने RCAP च्या सामान्य विमा क्लस्टरसाठी आणि चोलामंडलम ग्रुपने त्यांच्या जीवन विमा क्लस्टरसाठी स्वारस्य दाखवले आहे.

Anil Ambani
सेबीने ठोठावला रिलायन्स इंडस्ट्रीज लिमिटेड कंपनीचे चेअरमन मुकेश अंबानी यांना 15 कोटींचा दंड

लिलावकर्त्यांना दोन पर्याय होते

कर्जदारांनी जारी केलेल्या रिक्वेस्ट फॉर रिझोल्यूशन प्लॅन (RFRP) नुसार, बोलीदारांकडे दोन पर्याय आहेत - एकतर कंपनीच्या संपूर्ण मालमत्तेसाठी किंवा तिच्या एक किंवा अधिक क्लस्टर्ससाठी (Subsidiaries). रिलायन्सच्या उपकंपन्या रिलायन्स जनरल इन्शुरन्स, रिलायन्स निप्पॉन लाइफ इन्शुरन्स, रिलायन्स अ‍ॅसेट रिकन्स्ट्रक्शन कंपनी, रिलायन्स सिक्युरिटीज, रिलायन्स कमर्शियल फायनान्स आणि रिलायन्स होम फायनान्स आहेत.

मुदत दोन महिन्यांनी वाढवली

रिलायन्स कॅपिटल लिमिटेडच्या संपादन प्रक्रियेला लिलावकर्त्यांकडून मिळालेला थंड प्रतिसाद पाहता, कंपनीच्या कर्जदारांनी ठराव प्रक्रियेची अंतिम मुदत दोन महिन्यांनी वाढवून 2 नोव्हेंबर केली आहे. ही मुदत आधीच 3 जून ते 2 सप्टेंबर 2022 पर्यंत 90 दिवसांनी वाढवण्यात आली आहे. कमिटी ऑफ क्रेडिटर्स (CoC) ने RCL च्या रिझोल्यूशन प्रक्रियेसाठी दुसर्‍यांदा ही मुदत वाढवली आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com