Atal Pension Scheme: पती-पत्नी दोघांनाही मिळणार दरमहा 10 हजार रुपयांपर्यंत पेन्शन

वृद्धापकाळात तुम्हाला दरमहा 5 हजार रुपये आणि तुमच्या पत्नीलाही 5 हजार पेन्शन मिळाले तर तुम्हाला आर्थिकदृष्ट्या मोठा दिलासा मिळेल.
Atal Pension Scheme: पती-पत्नी दोघांनाही मिळणार दरमहा 10 हजार रुपयांपर्यंत पेन्शन

Pension Family Scheme

Dainik Gomantak

सरकारी पेन्शन योजना 'अटल पेन्शन योजना' मध्ये सामील होऊन पती-पत्नी दोघांनाही दरमहा 10 हजार रुपयांपर्यंत पेन्शन मिळू शकते. सरकार त्याची पूर्ण हमी देते आहे. वृद्धापकाळात तुम्हाला दरमहा 5 हजार रुपये आणि तुमच्या पत्नीलाही 5 हजार पेन्शन मिळाले तर तुम्हाला आर्थिकदृष्ट्या मोठा दिलासा मिळेल.

सर्वात महत्त्वाची गोष्ट म्हणजे तुमचे वय 40 वर्षांपेक्षा जास्त असेल तर तुम्ही या योजनेचा लाभ घेऊ शकणार नाही. त्यामुळे, तुमचे वय 40 वर्षांपेक्षा कमी असल्यास, तुम्ही वृद्धापकाळातील उत्पन्नासाठी अटल पेन्शन योजनेत (Atal Pension Yojana) गुंतवणूक करू शकता. भारतातील कोणताही नागरिक या योजनेचा लाभ घेऊ शकतो आणि कमाल म्हणजे 5000 रुपयांपर्यंत पेन्शन मिळवू शकतो.

<div class="paragraphs"><p>Pension Family Scheme</p></div>
रिलायन्सने Dunzo मधील 25.8% हिस्सा केला खरेदी

केंद्र सरकार 'अटल पेन्शन योजने'मध्ये दरमहा पेन्शनची हमी देते. मोदी सरकारने मे-2015 मध्ये अटल पेन्शन योजना सुरू केली होती. या योजनेत सहभागी होऊन तुम्ही दरमहा किमान 1000 रुपये आणि कमाल 5 हजार रुपये पेन्शन मिळवू शकता. वयाच्या 60 व्या वर्षी पेन्शन मिळेल.

तुमचे वय 18 ते 40 वर्षांच्या दरम्यान असेल तर तुम्ही या योजनेचा लाभ घेऊ शकता. योजनेंतर्गत पेन्शन मिळवण्यासाठी किमान 20 वर्षे गुंतवणूक करावी लागते. वयाच्या 60 वर्षापर्यंत निश्चित रक्कम गुंतवावी लागते.

जर 18 वर्षांचा तरुण अटल पेन्शन योजनेत सामील झाला आणि त्याला दरमहा 5000 रुपये पेन्शनसाठी दरमहा 210 रुपये गुंतवावे लागतील. त्याच वेळी, केवळ 1000 रुपये प्रति महिना पेन्शनसाठी, 18 वर्षांच्या तरुणांना दरमहा 42 रुपये जमा करावे लागतील. या योजनेचे सर्वात मोठे वैशिष्ट्य म्हणजे यामध्ये गुंतवलेले पैसे बुडत नाहीत.

जर गुंतवणूकदाराला वयाच्या 60 वर्षापूर्वी त्याची रक्कम काढायची असेल तर काही विशिष्ट परिस्थितीत ते शक्य आहे. दुसरीकडे पतीचा 60 वर्षापूर्वी मृत्यू झाल्यास पत्नीला पेन्शनची (Pension) सुविधा मिळेल. पती आणि पत्नी दोघांच्याही मृत्यूनंतर, नॉमिनीला पूर्ण पैसे परत मिळतील.

<div class="paragraphs"><p>Pension Family Scheme</p></div>
PPF खाते बंद असल्यास होईल आर्थिक नुकसान

अटल पेन्शन योजनेअंतर्गत खाते उघडण्यासाठी तुमचे बँक किंवा पोस्ट ऑफिसमध्ये खाते असणे आवश्यक आहे. यासाठी आधार कार्ड आणि सक्रिय मोबाईल क्रमांक आवश्यक असेल. या योजनेत पैसे जमा करण्यासाठी मासिक, त्रैमासिक आणि सहामाही सुविधा उपलब्ध आहे. तसेच ऑटो डेबिट सुविधा उपलब्ध आहे म्हणजेच तुमच्या खात्यातून पैसे आपोआप कापले जातील.

अटल पेन्शन योजनेत गुंतवणूक करून तुम्हाला पेन्शन मिळू शकते तसेच कर वाचवता येतो. या योजनेत गुंतवणूक करून तुम्ही 1.5 लाख रुपयांपर्यंत कर वाचवू शकता. ही सूट आयकर कलम 80C अंतर्गत उपलब्ध आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com