Vande Bharat Train: आंध्र प्रदेशात वंदे भारत ट्रेनवर दगडफेक, 19 जानेवारीला PM मोदी...

Vande Bharat Train: आंध्र प्रदेशातील विशाखापट्टणममध्ये बुधवारी वंदे भारत एक्सप्रेस ट्रेनवर दगडफेक झाल्याची घटना उघडकीस आली.
Vande Bharat Train
Vande Bharat TrainDainik Gomantak

Vande Bharat Train: आंध्र प्रदेशातील विशाखापट्टणममध्ये बुधवारी वंदे भारत एक्सप्रेस ट्रेनवर दगडफेक झाल्याची घटना उघडकीस आली. देखभाल दुरुस्तीदरम्यान ही दगडफेक झाली. 19 जानेवारीला पंतप्रधान नरेंद्र मोदी ट्रेनला हिरवा झेंडा दाखवणार असल्याची माहिती आहे.

अधिकाऱ्यांनी दिलेल्या माहितीनुसार, हल्लेखोरांना पकडण्यासाठी मोहीम सुरु करण्यात आली आहे. याआधीही अनेकवेळा इतर राज्यांमध्ये वंदे भारत एक्सप्रेसला दगडफेक करुन लक्ष्य करण्यात आले आहे. या प्रकरणांमध्ये काही लोकांना अटकही करण्यात आली होती.

Vande Bharat Train
Vande Bharat Trains: 400 वंदे भारत ट्रेनची बजेटमध्ये होणार घोषणा ! पहिली बुलेट ट्रेन कधी येणार माहितीये का?

तसेच, राममूर्ती पंतुलुपेटा-कंचरापालमजवळ झालेल्या घटनेत वंदे भारत ट्रेनच्या डब्याची विंडशील्ड तुटली. विभागीय रेल्वे व्यवस्थापकांच्या सूचनेवरुन तपास सुरु करण्यात आला आहे. ट्रायल रन पूर्ण झाल्यानंतर वंदे भारत ट्रेन विशाखापट्टणम (Visakhapatnam) रेल्वे स्थानकावरुन मारिपालेम येथील कोच देखभाल केंद्राकडे जात असताना देखभाल प्रक्रियेदरम्यान दगडफेक करण्यात आली, असे अधिकाऱ्याने सांगितले.

दुसरीकडे, सिकंदराबाद रेल्वे स्थानकावरुन पंतप्रधान मोदी या ट्रेनला हिरवा झेंडा दाखवणार आहेत. ते सिकंदराबाद ते विशाखापट्टणम हे अंतर अंदाजे आठ तासात कापेल. ही ट्रेन वारंगल, खम्मम, विजयवाडा आणि राजमुंद्री येथे थांबेल.

Vande Bharat Train
Vande Bharat Train: वंदे भारत आता बिहारमधून धावणार; मंत्रिमहोदयांनी सांगितली योजना!

शिवाय, पंतप्रधान नरेंद्र मोदी (Prime Minister Narendra Modi) 19 जानेवारी रोजी तेलंगणाला भेट देतील आणि हैदराबाद ते विशाखापट्टणम दरम्यान वंदे भारत ट्रेन देशाला समर्पित करतील. 19 जानेवारी रोजी पंतप्रधान सिकंदराबाद रेल्वे स्थानकावरुन सकाळी 10 वाजता देशातील आठव्या वंदे भारत ट्रेनला हिरवा झेंडा दाखवतील. ट्रेनला हिरवा झेंडा दाखवल्यानंतर पंतप्रधान सिकंदराबाद रेल्वे स्टेशनच्या 699 कोटी रुपयांच्या विकास कामाचे भूमिपूजन करतील.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com