मुकेश अंबानींना झटका, रिलायन्स इंडस्ट्रीजने गमावली सर्वात मोठी डील

मुकेश अंबानींच्या रिलायन्स इंडस्ट्रीजने परदेशातील सर्वात मोठी डील गमावली आहे. खरंतर, रिलायन्सने यूकेस्थित फार्मा कंपनी वॉलग्रीन्स बूट्स अलायन्सला विकत घेण्यासाठी अमेरिकन कंपनी अपोलो ग्लोबल मॅनेजमेंटसोबत संयुक्त बोली लावली होती. एकत्रित बोली $6.1 बिलियन पेक्षा जास्त किमतीची होती. मात्र, आता Walgreens Boots Alliance ने आपली योजना रद्द केली आहे.

खरेदीदार मिळाला नाही

वॉलग्रीन्सने एका निवेदनात म्हटले आहे की, 'बाजारातील अस्थिरतेचा आर्थिक उपलब्धतेवर गंभीर परिणाम होत आहे. बूट्सची कामगिरी आणि त्याचा प्रमुख ब्रँड देखील व्यवसाय सुरु ठेवण्याच्या निर्णयामागे आहे. कंपनीला या प्रकारचा खरेदीदार शोधता आला नसल्याचे या विधानावरुन स्पष्ट झाले आहे. यासोबतच मुकेश अंबानींची (Mukesh Ambani) डीलही कंपनीला पसंत पडलेली नाही.'

अंबानींना धक्का

रिलायन्ससाठी (Reliance) हा मोठा धक्का आहे. हा करार झाल्यास, बूट्स भारतासह दक्षिण-पूर्व आशिया आणि पश्चिम आशियामध्ये व्यवसायाचा विस्तार करु शकेल. ब्रिटनमध्ये (Britain) 173 वर्षे जुन्या बूट्सचे 2200 स्टोअर्स आहेत. यामध्ये फार्मसी, हेल्थ स्टोअर्सचा समावेश आहे. कंपनीने गेल्या वर्षी आपला व्यवसाय अमेरिकन औषध घाऊक विक्रेत्या AmerisourceBergen ला $6.5 बिलियन मध्ये विकला.