PM PRANAM Yojana| शेतकऱ्यांचे नशिब बदलणारी काय आहे पंतप्रधान प्रणाम योजना?

शेतीत वापरल्या जाणाऱ्या रासायनिक खतांवर अंकुश ठेवण्याबरोबरच अनुदानावर खर्च होणारी मोठी रक्कमही कमी करण्याची योजना मोदी सरकारने आखली आहे. यासाठी खत मंत्रालयाने पीएम प्रणाम योजनेची पद्धत सुचवली आहे, ज्यामुळे रासायनिक खतांना पर्याय निर्माण होईल.
Farmer
FarmerDainik Gomantak

मोदी सरकार अशा योजनेवर काम करत आहे, ज्यामुळे सरकारी तिजोरीवरील अनुदानाचा बोजा कमी होईल आणि शेतीतील रसायनांचा वापरही कमी होईल. पीएम प्रणाम योजनेअंतर्गत सरकार रासायनिक खतांना पर्याय निर्माण करण्यावर काम करेल.

(PM PRANAM Yojana)

Farmer
SBI च्या ग्राहकांसाठी खुशखबर, आता या सेवेसाठी बँकेने हटवले शुल्क

इंडियन एक्सप्रेसच्या वृत्तानुसार, केंद्र सरकार पीएम प्रमोशन ऑफ अल्टरनेट न्यूट्रिएंट्स फॉर अॅग्रिकल्चर मॅनेजमेंट (पीएम प्रणाम) योजनेची रूपरेषा तयार करत आहे आणि त्यासाठी राज्यांकडून सूचनाही मागवल्या आहेत. केंद्रावरील खत अनुदानाचा वाढता बोजा कमी करणे आणि पिकांवरील रासायनिक खतांचा वापर कमी करणे हा या योजनेचा उद्देश आहे.

खत मंत्रालयाच्या अंदाजानुसार, चालू आर्थिक वर्षात रासायनिक खतांवरील अनुदानाचा आकडा 2.25 लाख कोटी रुपयांवर पोहोचेल, जो मागील आर्थिक वर्षाच्या तुलनेत 39 टक्क्यांहून अधिक असेल. 2021-22 मध्ये सरकारला रासायनिक खतांवर अनुदान म्हणून 1.62 लाख कोटी रुपये खर्च करावे लागले. सरकारी तिजोरीवर हा भार पडू नये यासाठी पीएम प्रणाम योजना आणली जात आहे.

Farmer
EPFO: या 4 पध्दतीने जाणून घ्या, पीएफ खात्यातील शिल्लक

योजनेला निधी कसा मिळणार

या योजनेसाठी वेगळा निधी दिला जाणार नसून, रासायनिक खतांवर अनुदान म्हणून दिले जाणारे पैसे त्यावर खर्च केले जातील, असे या प्रकरणाशी संबंधित सूत्रांचे म्हणणे आहे. अनुदानाची 50 टक्के रक्कम राज्यांमध्ये वितरीत केली जाईल, त्यापैकी 70 टक्के रक्कम रासायनिक खतांना पर्याय म्हणून तयार केलेल्या खतांवर खर्च केली जाईल. त्यासाठी तंत्रज्ञान आणि उपकरणांसोबत इन्फ्रा वर पैसा खर्च केला जाणार आहे. योजनेंतर्गत गाव, ब्लॉक आणि जिल्हा स्तरावर खत युनिट्सची स्थापना करण्यात येणार आहे.

शेतकऱ्यांना प्रोत्साहन मिळेल

राज्यांना मिळणाऱ्या अनुदानापैकी 30 टक्के रक्कम शेतकरी, पंचायती आणि शेतकरी उत्पादक संस्था आणि स्वयं-सहायता गटांना प्रोत्साहन देण्यासाठी खर्च केली जाईल. रासायनिक खतांचा वापर कमी करण्याबाबत जनजागृती करणे आणि शेतकऱ्यांना पर्यायी खतांचा वापर करण्यास प्रोत्साहित करणे हे त्यांचे कार्य असेल. सरकार दरवर्षी युरियाचे उत्पादन आणि वापर कमी करण्याची तयारी करत आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com