Whatsapp New Feature: व्हॉट्सअॅप हे सर्वाधिक वापरले जाणारे सोशल मिडिया प्लॅटफ्रॉर्म आहे. व्हॉट्सअॅप नव नवे फिचर लाँच करत असते. आता मेटा-मालकीचे व्हॉट्सअॅप अँड्रॉइडसाठी नवीन फीचरवर काम करत आहे.
'Admin Review' असे या नव्या फीचरचे नाव आहे. या फीचर अंतर्गत, ग्रुप अॅडमिनला त्यांचा ग्रुप चांगल्या प्रकारे मॉडरेट करण्यास मदत केली जाईल. हे नवीन फीचर अॅडमिनला अधिक जबाबदार बनवेल आणि एक नवीन पावर देखील देईल.
ग्रुप अॅडमिनला नवीन जबाबदारी मिळेल
WABetaInfo च्या ताज्या अहवालानुसार, जेव्हा अॅडमिन रिव्ह्यू फीचर सक्षम असेल, तेव्हा ग्रुप मेंबर्स ग्रुप अॅडमिनला विशिष्ट मॅसेज रिपोर्ट करु शकतील. सोप्या शब्दात सांगायचे झाले तर, ग्रुपमध्ये असा कोणताही मॅसेज आला, जो तुम्हाला आवडत नसेल, तर तुम्ही तो मॅसेज ग्रुप अॅडमिनला कळवू शकाल. एकदा रिपोर्ट केल्यानंतर ग्रुप अॅडमिन त्या मॅसेजवर कारवाई करू शकतो.
अॅडमिन तो मॅसेज डिलीट देखील करू शकतो किंवा मॅसेज पाठवणाऱ्या व्यक्तीला ग्रुपमधून लेफ्ट करु शकतो. त्यामुळे ग्रुपमध्ये चांगले वातावरण निर्माण होईल.
हा पर्याय कुठे मिळेल?
रिपोर्टनुसार नवीन पर्याय ग्रुप सेटिंग्ज सेक्शनमध्ये उपलब्ध असेल.तसेच अहवालात नमूद केले आहे की रिपोर्ट केलेले मॅसेज केवळ ग्रुप अॅडमिन्सना आणि अॅपच्या नवीन सेक्शनमध्ये दिसतील. हा सेक्शन ग्रुपच्या माहितीच्या पुढे असेल. काही कालावधीनंतर तो मॅसेज नाहिसा होतील. सध्या या फिचरवर काम करत आहे. पहिले फीचर बीटा टेस्टर्ससाठी सादर केले जाईल. यानंतर, ते सर्वांसाठी रोलआउट केले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
