LIC च्या IPO चे शेअर्स कधी होणार वाटप; करा इथे चेक

देशातील सर्वात मोठी विमा कंपनी LIC च्या IPO ला खूप चांगला रिस्पॉन्स मिळत आहे. अशा परिस्थितीत, गुंतवणूकदारांना लिस्टिंग दरम्यान जबरदस्त परतावा मिळू शकतो अशी अपेक्षा आहे. पॉलिसीधारकाचा हिस्सा पहिल्याच दिवशी भरण्यात आला होता. देशभरातील सर्व गुंतवणूकदार दीर्घकाळापासून LIC IPO ची वाट पाहत होते. LIC चा हा IPO आल्यानंतर मोठ्या प्रमाणात लोक यामध्ये गुंतवणूक करत आहेत. किरकोळ गुंतवणूकदारही या IPO मध्ये मोठ्या प्रमाणात गुंतवणूक करताना दिसून येत आहेत. अशा परिस्थितीत LIC IPO चा हिस्सा गुंतवणुकदारांकडून 100 टक्क्यांहून अधिक भरला गेला आहे. लिस्टिंग वेळी हा IPO अनेक गुंतवणूकदारांना श्रीमंत करेल अशी अपेक्षा आहे. (When will the shares of LIC IPO be allotted Check here)

तुम्ही LIC च्या IPO मध्ये 9 मे पर्यंत गुंतवणूक करू शकता. त्याच वेळी, शेअर्सचे वाटप 12 ते 13 मे दरम्यान देखील केले जाऊ शकते. म्हणजेच 12 आणि 13 मे रोजी तुम्हाला एलआयसीचे शेअर्स वाटप झाले आहेत की नाही याची माहिती मिळून जाईल. LIC IPO ची बोली तारीख 9 मे रोजी बंद होणार आहे, तर कंपनी 3 दिवसांसाठी IPO बोलींची तपासणी करेल. अशा स्थितीत तीन दिवसांच्या छाननीनंतर 12 ते 13 मे रोजी शेअर्सचे वाटप होण्याची शक्यता वर्तवली जात आहे. त्यानंतर शनिवारी आणि रविवारी कोणतेही शेअर वाटप होणार नाही असे LIC कडून सांगण्यात आले आहे. 17 मे रोजी LIC IPO शेअर बाजारात लिस्ट होणार आहे. यानंतर कोणतीही व्यक्ती सहजरित्या एलआयसीचे शेअर्स खरेदी आणि विक्री करू शकणार आहे.

अशा परिस्थितीत, LIC IPO मध्ये शेअर्सचे वाटप झाले आहे की नाही हे जाणून घेण्यासाठी तुम्हाला 12 मे पर्यंत प्रतीक्षा करावी लागणार आहे. NSE वेबसाइटला भेट देऊन तुम्ही शेअर वाटपाची सर्व परिस्थिती सहज तपासू शकता. यासाठी प्रथम तुम्हाला NSE च्या अधिकृत वेबसाइट https://www.nseindia.com/ ला भेट द्यावी लागणार आहे. त्यानंतर इक्विटीचा पर्याय निवडा आणि ड्रॉपडाउनमध्ये LIC IPO चा पर्याय निवडा, पुढे तुम्हाला तुमचा अर्ज क्रमांक आणि पॅन कार्डचा सर्व तपशील भरावा लागेल. ही प्रक्रिया केल्यानंतर, मी रोबोट नाही याची पडताळणी करा आणि सबमिट वर क्लिक करा. अशा प्रकारे तुम्ही LIC IPO च्या शेअर वाटपाची स्थिती सहज तपासून पाहू शकता.