Kishore Biyani Resigns: 'बिग बझार'चे संस्थापक किशोर बियाणींचा राजीनामा...

भारतातील रिटेल व्यवसायाचा जनक, कंपनी दिवाळखोर
Kishore Biyani Resigns
Kishore Biyani ResignsDainik Gomantak

Kishore Biyani Resigns: उद्योगपती किशोर बियाणी यांनी त्यांच्या कर्जबाजारी फ्यूचर रिटेल लिमिटेड (एफआरएल) च्या निलंबित संचालक मंडळाच्या अध्यक्षपदाचा राजीनामा दिला आहे. ही कंपनी सध्या दिवाळखोरीच्या कारवाईला सामोरे जात आहे.

Kishore Biyani Resigns
Goa Petrol-Diesel Price : गोव्यातील इंधनाच्या दरात किरकोळ बदल; जाणून घ्या आजचे पेट्रोल-डिझेलचे दर

फ्युचर रिटेलने स्टॉक एक्स्चेंजला दिलेल्या नोटीसमध्ये म्हटले आहे की कंपनीचे 'कार्यकारी अध्यक्ष आणि संचालक' बियाणी यांनी राजीनामा सादर केला आहे. फ्युचर रिटेलचे कार्यकारी अध्यक्ष किशोर बियाणी हे देशातील आधुनिक रिटेल व्यवसायाचे संस्थापक मानले जातात.

किशोर बियाणी यांच्या राजीनाम्याची माहिती बुधवारी समोर आली. कंपनीच्या रिझोल्यूशन प्रोफेशनलला 24 जानेवारी 2023 रोजी ईमेलद्वारे ही माहिती मिळाली. आता दिवाळखोरी आणि दिवाळखोरी संहिता (IBC) अंतर्गत, त्यांचा राजीनामा कमिटी ऑफ क्रेडिटर्स (CoC) समोर ठेवला जाईल.

फ्युचर रिटेल लिमिटेडला बँक ऑफ इंडियाकडून कर्ज चुकवल्याबद्दल दिवाळखोरीच्या कारवाईला सामोरे जावे लागले. त्यांचा राजीनामा 23 जानेवारीपासून प्रभावी मानला जात आहे. कंपनीने अधिकृत निवेदनात तसे नमूद केले आहे. बियाणी यांनी 23 जानेवारी 2023 पासून कंपनीच्या कार्यकारी अध्यक्ष आणि संचालक पदाचा राजीनामा दिल्याचे निवेदनात म्हटले आहे.

Kishore Biyani Resigns
Republic Day 2023: 74 व्या प्रजासत्ताक दिनानिमित्त गूगलने शेअर केले खास डूडल

रिटेल किंग म्हणून ओळख

फ्युचर रिटेल लिमिटेडने किरकोळ व्यवसायासाठी अनेक मोठे ब्रँड स्थापन केले आहेत आणि बिग बाजार, फूडहॉल, इझीडे सारख्या ब्रँडद्वारे हायपर सुपरमार्केटचा किरकोळ विभाग चालवला आहे.

मात्र, कंपनीसाठी आजचा काळ अत्यंत कठीण असून ही कंपनी सध्या दिवाळखोरीच्या कारवाईला सामोरे जात आहे. 61 वर्षीय किशोर बियाणी यांनी त्यांच्या रिटेल किंगच्या दर्जात बाजारपेठेत अनेक ट्रेंड स्थापित केले आणि त्यांचे नाव देशातील किरकोळ व्यवसायात सर्वांना परिचित आहे.

राजीनाम्यावर काय म्हणाले किशोर बियाणी?

राजीनाम्याविषयी किशोर बियाणी म्हणाले की, राजीनामा दिला असला तरी सर्वतोपरी मदतीसाठी मी तत्पर राहीन. कंपनीशी संबंधित कोणत्याही समस्येचे निराकरण करण्यासाठी मी नेहमीच तयार असतो. त्यासाठी मला कुणी सांगायची गरज भासत नाही, न सांगताही मी हे करतच असतो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com