ऑनलाईन फसवणूक करणाऱ्या गुन्हेगारांनी संपूर्ण देशात आपले पाय पसरले आहेत. ही फसवणूक करण्यासाठी सायबर गुन्हेगारांकडून वेगवेगळ्या युक्त्यांचा वापर केला जातो. तसाच एक नवा प्रकार समोर आला आहे. व्हॉट्सॲपद्वारे आंतरराष्ट्रीय नंबरवरून स्पॅम कॉल हा एक नवीन प्रकार सायबर गुन्हेगारांनी स्वीकारला आहे.
मागील काही दिवसांपासून व्हॉट्सॲपद्वारे लोकांची फसवणूक झाल्याची अनेक प्रकरणे समोर आली आहेत. व्हॉट्सॲपवर केवळ एका मेसेजने बँक खात्यातील रक्कम गायब होते.
आंतरराष्ट्रीय स्पॅम कॉल हा एक नवीन मार्ग आहे जो सायबर गुन्हेगारांनी अलीकडेच स्वीकारला आहे. एका व्यक्तिला व्हॉट्सॲपवर एक मेसेज किंवा मिस्ड कॉल देऊन ते व्हॉट्सॲपवर वापरकर्त्यांला कॉल किंवा मेसेज परत करण्यास प्रवृत्त करतात. वापरकर्त्यांने मेसेज किंवा मिस्ड कॉल दिल्यास वापरकर्त्यांच्या खात्यातील रक्कम खाली केली जाते.
भारतातील व्हॉट्सॲप वापरकर्त्यांना गेल्या काही दिवसांपासून येणार्‍या आंतरराष्ट्रीय नंबरवरून स्पॅम कॉल्समध्ये मोठ्या प्रमाणात वाढ नोंदवल्यामुळे व्हॉट्सॲपने म्हटले आहे की, त्यांनी आपल्या AI आणि ML सिस्टमध्ये त्वरीत वाढ केली आहे. वापरकर्त्यांच्या गोपनीयतेचे आणि सुरक्षिततेचे रक्षण करणे हे मेटा आणि व्हॉट्सॲपसाठी महत्वाचे आहे असे व्हॉट्सॲपच्या प्रवक्त्याने सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
