शहरी विस्ताराच्या नावाखाली खाजन जमिनी आणि खारफुटींचा विध्वंस करून गोव्याच्या (Goa) पर्यावरणीय व्यवस्थेला धोका निर्माण करणाऱ्या बेफिकीर आणि बेजबाबदार विनाशवृत्तीला ‘मॅनग्रुव्ह (एन) सर्कलिंग द लॉस’ ही कलाकारांची संघटना प्रश्न करते. अशा प्रकारचा अयोजनाबद्ध आणि विस्कळीत विकास, हवामान बदलामुळे येऊ घातलेल्या पुराच्या गंभीर धोक्याच्या पार्श्वभूमीवर, कायम असुरक्षिततेच्या कडेवर उभा असेल.
या संघटनेने पणजी-बांबोळी हमरस्त्याच्या कडेला असणाऱ्या विस्तीर्ण मृत खारफुटीच्या जागेवर एकत्र येऊन कलाकार, पर्यावरणप्रेमी आणि जागरूक नागरिकांसह यापूर्वी तेथल्या खारफुटीच्या विनाशाप्रति आपली संवेदना प्रकट केली आहे. तिथल्या विनाशाकडे लोकांचे लक्ष वेधण्याचा तो अभिनव मार्ग होता. काही प्रमाणात हे उद्दिष्ट खचितच साध्य झाले आहे.
‘मॅनग्रुव्ह (एन) सर्कलिंग द लॉस’ यावेळी सांगोल्डा येथील ‘सराया आर्ट कॅफे’मध्ये पर्यावरणाप्रती असलेल्या आपल्या संवेदनाचे प्रतिबिंब चित्रपट, संवाद, चर्चा आणि इतर प्रदर्शनाद्वारे मांडते आहे. शुक्रवार 8 एप्रिल2022 रोजी सायंकाळी 6 ते 8 या वेळात या कार्यक्रमाचे सादरीकरण होणार आहे. प्रदर्शन त्यानंतर 23 एप्रिलपर्यंत सकाळी 10 ते रात्री 10 वाजेपर्यंत सर्वांसाठी खुले राहील.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
