पणजी : केंद्रीय मंत्रिमंडळाच्या उद्या होणाऱ्या बैठकीसमोर खाण व खनिज ( नियंत्रण व विकास) कायद्यात दुरुस्ती हा विषय चर्चेला येणार आहे. मात्र या यासंदर्भातील दुरुस्ती ही गोवा सरकारने सुचवल्याप्रमाणे आहे की नाही याची माहिती मिळालेली नाही. मुख्यमंत्री डॉ प्रमोद सावंत यांनी अलीकडे केंद्रीय गृहमंत्री अमित शहा यांची दिल्लीत भेट घेतली होती त्या भेटी वेळी यासंदर्भात चर्चा झाली होती. मिळालेल्या माहितीनुसार केंद्रीय खाण मंत्रालयाने या संदर्भातील प्रस्ताव मंत्रिमंडळ सचिवांकडे सादर केला आहे.
उद्याच्या बैठकीत तो प्रस्ताव चर्चेला येणार आहे. गोव्यातील बंद पडलेल्या खाणी सुरू करण्यासाठी ही कायदा दुरुस्ती करावी अशी गोवा सरकारची मागणी आहे. या कायद्यातील ही दुरुस्ती गोवा सरकारच्या मागणीनुसार होत आहे की देशभरातील इतर खाणपट्ट्यांचा लिलाव सुरळीत होण्यासाठी करण्यात येत आहे हे मात्र समजू शकलेले नाही. गोव्यातील पोर्तुगीजकालीन खाण परवान्यांचे खाणपट्ट्यांत रूपांतर करणारा करणाऱ्या 1987 च्या कायद्यात दुरुस्ती करावी असेही गोवा सरकारचे म्हणणे आहे, मात्र त्याविषयी केंद्र सरकारने फारशी दखल घेतली नाही असे सध्या दिसते.
गेली दोन वर्षे 88 खाणपट्ट्यांचे दुसऱ्यांदा केलेले नूतनीकरण सर्वोच्च न्यायालयाने रद्द केल्यानंतर गोव्यातील खाणकाम बंद आहे. सध्या ईलिलाव पुकारलेल्या खनिज मालाची वाहतूक केली जात असल्याने खाण भागातील लोकांना काही प्रमाणात काम मिळाले आहे. गोव्यातील विधानसभेच्या येत्या निवडणुकीत बंद पडलेले खाणकाम हा प्रचाराचा प्रमुख मुद्दा असू शकतो.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.