Tripura: आई, आजोबा, बहिण, शेजाऱ्याची हत्या करून मृतदेह विहिरीत फेकले; 16 वर्षीय मुलावर हत्येचा आरोप

आरोपी मुलाला चौकशीसाठी ताब्यात घेण्यात आले आहे.
Tripura: आई, आजोबा, बहिण, शेजाऱ्याची हत्या करून मृतदेह विहिरीत फेकले; 16 वर्षीय मुलावर हत्येचा आरोप
Dainik Gomantak

Tripura Crime News: धलाई जिल्हा, त्रिपुरा राज्यातील एका गावात 16 वर्षीय मुलावर चार जणांची हत्या केल्याचा आरोप आहे. दुर्गम गावात एका 16 वर्षीय मुलाने त्याच्या कुटुंबातील तीन सदस्यांची तसेच, शेजाऱ्याची हत्या करून त्यांचे मृतदेह विहिरीत टाकल्याचा आरोप त्याच्यावर आरोप आहे. अशी माहिती त्रिपुरा पोलिसांनी दिली आहे. आरोपी मुलाला चौकशीसाठी ताब्यात घेण्यात आले आहे. प्राथमिक तपासात समोर आलेल्या माहितीनुसार, कमलपूर विभागातील रहिवासी असलेल्या या मुलाला ड्रग्जचे व्यसन आहे. अशी माहिती पोलिसांनी दिली आहे.

Tripura: आई, आजोबा, बहिण, शेजाऱ्याची हत्या करून मृतदेह विहिरीत फेकले; 16 वर्षीय मुलावर हत्येचा आरोप
Viral Video: गाडीच्या छतावर बसून सुपरस्टार पवन कल्याण पोहोचला गावकऱ्यांचे सांत्वन करायला

समोर आलेल्या माहितीनुसार, संशयित मुलाने शनिवारी त्याची आई, आजोबा आणि 10 वर्षांची बहीण आणि शेजाऱ्याची हत्या केली. त्यावेळी मुलाचे वडील घरी नव्हते. या गुन्ह्यामागचे कारण अद्याप समजू शकले नाही. मुलाचे वडील घरी परतले असता त्यांना घरात सर्वत्र रक्त, मृतदेह विहिरीत टाकलेले दिसले. मुलाच्या वडिलांनी आरडाओरडा केला असता गोळा झालेल्या गावकऱ्यांनी पोलिसांना या घटनेची माहिती दिली. सकाळी साडेनऊच्या सुमारास आरोपीच्या घरातून मोठा आवाज ऐकू आला आणि थोड्या वेळानंतर विहिरीत पडलेले मृतदेह दिसले. अशी माहिती गावकऱ्यांनी पोलिसांना दिली.

Tripura: आई, आजोबा, बहिण, शेजाऱ्याची हत्या करून मृतदेह विहिरीत फेकले; 16 वर्षीय मुलावर हत्येचा आरोप
Viral Video: पाच वर्षानंतर टांझानियात मोठा विमान अपघात; 49 प्रवासी होते विमानात

दरम्यान घटना समोर आल्यानंतर परिसरात खळभळ पसरली आहे. शनिवारी संध्याकाळी पोलिसांनी मृतदेह बाहेर काढून पोस्टमॉर्टमसाठी पाठवले आहेत. सर्व मृतदेहांवर जखमांच्या खुणा आहेत. मारेकऱ्याने चार जणांना मारण्यासाठी काहीतरी बोथट वस्तू वापरली असावी असा अंदाज वर्तवला जात आहे. मात्र, शवविच्छेदन अहवाल आल्यानंतरच मृत्यूचे खरे कारण समजेल. असे त्रिपुरा पोलिसांनी म्हटले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com