Jallikattu: तामिळनाडूत जल्लीकट्टू दरम्यान 19 जण जखमी; 800 खेळाडू होणार सहभागी

सुप्रीम कोर्टाने दिली होती 300 खेळाडू आणि 150 प्रेक्षकांना परवानगी
Jallikattu Tamilnadu
Jallikattu TamilnaduDainik Gomantak

Jallikattu: तामिळनाडुतील मदुराईच्या तीन गावांमध्ये रविवारी पोंगलच्या दिवशी जल्लीकट्टू खेळाला सुरुवात झाली. जल्लीकट्टूदरम्यान 19 जण जखमी झाले आहेत. त्यातील 11 जणांना मदुराई येथील शासकीय राजाजी रुग्णालयात उपचारासाठी दाखल करण्यात आले आहे.

जल्लीकट्टूला एरू थाझुवुथल आणि मनकुविरट्टू असेही म्हणतात. हा खेळ पोंगल सणाचा एक भाग आहे. मदुराईतील अवनियापुरम येथे रविवारी जल्लीकट्टूचे आयोजन करण्यात आले आहे. तर सोमवारी पलामेडूमध्ये आणि मंगळवारी अलंगनलूरमध्ये जलीकट्टू होणार आहे. जलीकट्टू हा एक खेळ आहे ज्यात बैलाला गर्दीत सोडले जाते आणि त्याला नियंत्रित करण्याचा प्रयत्न केला जातो. या खेळात सहभागी होणाऱ्या लोकांना बैलाला धरून नियंत्रित करावे लागते.

Jallikattu Tamilnadu
Miss Universe: 'या' देशाच्या सुंदरीने जिंकला मिस युनिव्हर्स किताब

मदुराईचे जिल्हाधिकारी अनिश शेखर म्हणाले- "अवनियापुरम येथे जल्लीकट्टू सुरळीत पार पडण्यासाठी सर्व व्यवस्था केल्या आहेत. बैल तसेच खेळाडूंच्या सुरक्षेसाठी तीन स्तरीय बॅरिकेडिंग लावण्यात आले आहे." आम्ही अवनियापुरममध्ये सुप्रीम कोर्ट आणि तमिळनाडू सरकारच्या सर्व नियमांचे पालन करू. न्यायालयाचे निर्देश आहेत की खेळात एकावेळी 25 खेळाडू खेळतील. यावेळी 800 खेळाडू सहभागी होतील."

जलीकट्टूत सहभागी होण्यासाठी केवळ 300 बैलगाडा आणि 150 प्रेक्षकांना परवानगी देण्यात आली आहे. सुमारे 10,000 बैल आणि 5,400 बैल मालकांनी नोंदणीसाठी ऑनलाइन अर्ज दिले होते. त्यापैकी केवळ 800 बैलांना सहभागी होण्यासाठी परवानगी देण्यात आली. एक बैल तीनपैकी फक्त एका कार्यक्रमात सहभागी होऊ शकतो. जल्लीकट्टू सकाळी 8 ते संध्याकाळी 5 वाजेपर्यंतच खेळता येईल.

Jallikattu Tamilnadu
Nepal Plane Crash: 68 प्रवासी असलेले विमान नेपाळमध्ये कोसळले; 30 मृतदेह हाती...

सुमारे 2500 वर्षांपासून बैल हा प्राणी तामिळनाडूच्या लोकांच्या श्रद्धा आणि परंपरेचा भाग आहे. शेतात पिके तरारून आल्यानंतर येथील लोक दरवर्षी मकर संक्रांतीच्या दिवशी पोंगल सण साजरा करतात. तमिळमध्ये पोंगल म्हणजे उकळणे. या दिवशी त्यांच्या नवीन वर्षाची सुरूवात होते. तीन दिवस चालणाऱ्या या उत्सवाच्या शेवटच्या दिवशी बैलांची पूजा केली जाते. ते सजवले जातात. त्यानंतर जल्लीकट्टू खेळाची सुरूवात केली जाते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com