श्रीनगर : जम्मू - काश्मीरच्या सांबा जिल्ह्यामध्ये आंतरराष्ट्रीय सीमेवर ३० ते ४० मीटरचे भुयार आढळून आले आहे. नगरोटा येथे चकमकीत मारले गेलेले दहशतवादी याच भुयाराचा वापर करून भारतात घुसल्याचा दावा करण्यात येत आहे.
सीमा सुरक्षा दलाच्या (बीएसएफ) जवानांना गस्त घालत असताना हे भुयार सापडले. बीएसएफचे महानिरीक्षक एनएस जामवार याबाबत म्हणाले, ``आंतरराष्ट्रीय सीमेवर भुयार आढळून आले आहे, याचाच अर्थ पाकिस्तानी लष्कर दहशतवाद्यांना मदत करत असल्याचे स्पष्ट होते.``
या भुयाराचा वापर करूनच दहशतवादी भारतात घुसले होते. हे भुयार नुकतेच तयार केलेले असावे. दहशतवाद्यांसोबत त्यांचा कोणी गाइड होता का याची माहिती अद्याप मिळालेली नाही, असेही जामवार यांनी सांगितले.
सुरक्षा दलांबरोबर गेल्या गुरुवारी जम्मूतील नागरोटा येथे झालेल्या चकमकीत चार दहशतवादी मारले गेले होते. त्यांच्याकडून मोठ्या प्रमाणावर दारुगोळाही जप्त करण्यात आला होता.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.