अहमदाबाद : गुजरातमध्ये राजकोटमधील कोविड रुग्णालयाच्या अतिदक्षता विभागाला लागलेल्या आगीत पाच कोरोना रुग्णांचा दुर्दैवी मृत्यू झाला. या घटनेबद्दल पंतप्रधान नरेंद्र मोदी, काँग्रेस नेते राहुल गांधी आदींनी तीव्र दु:ख व्यक्त केले. सर्वोच्च न्यायालयानेही या घटनेची दखल घेत गुजरात सरकारकडून या प्रकरणी अहवाल मागितला आहे. चार मजली उदय शिवानंद रुग्णालयाच्या अतिदक्षता विभागाला दुपारी साडेबाराच्या सुमारास आग लागली. या रुग्णालयात ३१ रुग्णांवर उपचार सुरू होते. त्यापैकी २६ रुग्णांना सुरक्षितस्थळी हलविण्यात यश आले.
अतिदक्षता विभागातील ११ पैकी पाच जणांचा मृत्यू झाला. तिघांनी जागेवरच तर इतर दोघांनी इतरत्र हलवित असताना अखेरचा श्वास घेतला. अग्निशमन दलाने अर्ध्या तासात आग आटोक्यात आणली.व्हेंटिलेटरमध्ये शॉर्टसर्किट होऊन आग लागल्याचा प्राथमिक अंदाज आहे. गुजरात सरकारने आगीची चौकशी करण्यासाठी आएएएस अधिकाऱ्याची नियुक्ती केली आहे.
अधिक वाचा :
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.