Kerala Crime News: "आधी तीन मुलांची हत्या आणि मग..." वाचा, केरळमधील हृदयद्रावक घटना

 5 people, including 3 children, found dead

केरळमधील कन्नूर जिल्ह्यात एक हृदयद्रावक घटना समोर आली आहे. येथे एकाच कुटुंबातील पाच जण एका घरात मृतावस्थेत आढळून आले आहेत.

एकाच घरात एवढ्या मोठ्या प्रमाणात मृतदेह आढळून आल्याने परिसरात खळबळ उडाली आहे. पोलिसांनी या प्रकरणाचा तपास सुरू केला आहे.

हे खळबळजनक प्रकरण चेरपुझा येथील असल्याचे सांगितले जात आहे. चेरपुझा येथील एका घरात पाच जणांचे कुटुंब राहत होते. बुधवारी सकाळी येथे तीन मुलांसह पाच जणांचे मृतदेह आढळल्याने खळबळ उडाली होती.

घाईगडबडीत पोलिसांना याबाबत माहिती देण्यात आली. पोलिसांनी घटनास्थळ गाठून मृतदेह ताब्यात घेऊन पोस्टमॉर्टमसाठी पाठवले.

मुलांना मारल्यानंतर फाशी!

प्राथमिक तपासात हा खून आणि आत्महत्येचा प्रकार असल्याचे समजते. या जोडप्याने आधी तीन मुलांची हत्या केली आणि नंतर पंख्याला गळफास घेऊन आत्महत्या केल्याचे सांगण्यात येत आहे.

तिन्ही मुले 12 वर्षाखालील आहेत. सूरज, सुरभी आणि सुजित अशी त्यांची नावे आहेत. त्याचबरोबर पती-पत्नीची ओळख शाजी आणि श्रीजा अशी झाली आहे.

गेल्या आठवड्यात लग्न  

या जोडप्याचे गेल्या आठवड्यातच लग्न झाले आहे. मृत सापडलेली तीन मुले ही महिलेच्या पहिल्या लग्नातील होती. मुलांचे मृतदेह जिन्यावर लटकलेल्या अवस्थेत आढळले, तर दाम्पत्याचे मृतदेह पंख्याला लटकलेल्या अवस्थेत आढळले.

श्रीजाच्या शेजारी चेरुवथूर यांनी सांगितले की तिची तिन्ही मुले तिच्या पहिल्या लग्नातील आहेत. मृत पती-पत्नीचे 16 महिन्यांपूर्वीच लग्न झाले होते. तपासात शाजीला दुसरी पत्नी असून तिला तिच्यापासून दोन मुले असल्याचे निष्पन्न झाले. ज्या घरात ही घटना घडली ते घर श्रीजाच्या पहिल्या पतीचे होते.

एका वरिष्ठ पोलीस अधिकाऱ्याने सांगितले की, ही घटना 23-24 मे च्या रात्री घडली. आजूबाजूच्या लोकांनी याबाबत पोलिसांना माहिती दिली. सध्या या प्रकरणाचा तपास सुरू आहे.

शाजी आणि श्रीजा यांच्यात सतत मारहाण होत असे, यामुळे त्यांच्यावर अनेक गुन्हे  दाखल आहेत. याच कारणावरून पती-पत्नी दोघांनी आधी मुलांची हत्या करून मृतदेह पंख्याला लटकवून स्वतःही आत्महत्या केल्याचा संशय पोलिसांनी व्यक्त केला आहे.