Indigo Flight Flight Emergency: इंडिगो फ्लाइटचे 'या' कारणामुळे करण्यात आले इमर्जन्सी लँडिंग

फ्लाइटमध्ये बसलेल्या वयस्कर व्यक्तीच्या तोंडातून रक्तस्त्राव सुरू झाल्याने इमर्जन्सी लँडिंग करण्यात आले.
Indigo Flight
Indigo FlightDainik Gomantak

मदुराईहून दिल्लीला जाणाऱ्या इंडिगो फ्लाइटमध्ये अचानक एका वृद्धाची तब्येत बिघडली आणि त्यांच्या तोंडातून रक्त येऊ लागले. प्रकृती गंभीर होत असल्याचे पाहून विमानाचे इमर्जन्सी लँडिंग करण्यात आले. इंदूरच्या देवी अहिल्याबाई होळकर आंतरराष्ट्रीय विमानतळावर विमान उतरवण्यात आले. यानंतर, रुग्णाला लवकरात लवकर रुग्णालयात पाठवण्यात आले, तेथे डॉक्टरांनी त्याला मृत घोषित केले. 

विमानतळावरूनच डॉक्टरांसह रुग्णवाहिकेची व्यवस्था करण्यात आली होती. सर्व संबंधित एसओपींचे पालन केले गेले परंतु नंतर प्रवाशाला स्थानिक रुग्णालयात डॉक्टरांनी मृत घोषित केले. 

विमानतळाचे प्रभारी संचालक प्रबोध चंद्र शर्मा यांनी सांगितले की, प्राथमिक माहितीनुसार, इंडिगो एअरलाइनच्या (Indigo) फ्लाइट क्रमांक 6E-2088 मध्ये बसलेल्या अतुल गुप्ता यांच्या तोंडातून रक्तस्त्राव सुरू झाला आणि प्रवासाच्या मध्यभागी त्यांची प्रकृती बिघडू लागली. तातडीने कारवाई करत इमर्जन्सी लँडिंग (Emergency Landing) करण्यात आले. 

Indigo Flight
Watch Video: यांची भांडणे कोणीतरी सोडवा, पैज लावून सांगतो असे भांडण तुम्ही यापूर्वी पाहिले नसेल
  • अतुल गुप्ता हे आधीच आजारी होते

शनिवारी म्हणजेच 14 जानेवारीला मेडिकल इमरजेंसीमुळे, मदुराई-दिल्ली फ्लाइट इंदूरला वळवण्यात आली आणि ते संध्याकाळी 5.30 च्या सुमारास स्थानिक विमानतळावर (Airport) उतरले. प्रबोध चंद्र शर्मा यांनी सांगितले की, रुग्णाला विमानतळावरून एका खाजगी रुग्णालयात नेले असता डॉक्टरांनी त्याला मृत घोषित केले. त्यांना आधीच हृदयविकार (Heart Attack) , उच्च रक्तदाब आणि मधुमेहाचा त्रास होता. 

  • अतुल गुप्ता हा नोएडा येथील रहिवासी होता

त्यांनी सांगितले की, विमानाने (Flight) 6:40 वाजता त्याच्या गंतव्यस्थानासाठी (नवी दिल्ली) उड्डाण केले. एरोड्रोम पोलिस स्टेशनच्या उपनिरीक्षकाने सांगितले की, मृत गुप्ता हा नोएडाचा रहिवासी होता. शवविच्छेदनानंतर त्याचा मृतदेह कुटुंबीयांच्या ताब्यात देण्यात येईल, असे त्यांनी सांगितले. 

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
logo
Dainik Gomantak | दैनिक गोमन्तक
www.dainikgomantak.com