मध्य प्रदेशात भीषण अपघात, वऱ्हाड घेऊन जाणारी गाडी विहिरीत पडल्याने 7 जणांचा मृत्यू

छिंदवाडा येथे मोठी दुर्घटना घडली. लग्नाच्या वऱ्हाडी मंडळींनी भरलेले वाहन विहिरीत पडले.
मध्य प्रदेशात भीषण अपघात, वऱ्हाड घेऊन जाणारी गाडी विहिरीत पडल्याने 7 जणांचा मृत्यू
7 people including child charred to death as vehicle in Chhindwara ANI

छिंदवाडा येथे मोठी दुर्घटना घडली. लग्नाच्या वऱ्हाडी मंडळींनी भरलेले वाहन विहिरीत पडले. या अपघातात सात जणांचा मृत्यू झाला आहे. यात सहा जण जखमी झाल्याचे सांगण्यात येत आहे.

मिळालेल्या माहितीनुसार, हा अपघात छिंदवाडा जिल्ह्यातील मोहखेडा पोलीस स्टेशन परिसरात झाला. परिसरातील कोडामाळ गावात बुधवारी रात्री वऱ्हाडी मंडळींनी भरलेली बोलेरो जीप विहिरीत पडली. या अपघातात सात जणांचा मृत्यू झाला. मृतांमध्ये एका लहान मुलाचाही समावेश आहे. तर सहा जण जखमी झाले आहेत. आज सकाळी सात मृतदेह आणि बोलेरो विहिरीतून बाहेर काढण्यात आली.

पोलिसांनी दिलेल्या माहितीनुसार, भाजीपाणी गावात मिरवणूक निघाली होती. बुधवारी रात्री उशिरा मिरवणुकीवरून परतत असलेली बोलेरो गाडी दुचाकीस्वाराला वाचवण्याच्या प्रयत्नात विहिरीत पडली. यादरम्यान जीपमधील निष्पाप बालकासह सात जणांचा मृत्यू झाला. अपघाताची माहिती मिळताच पोलीस तात्काळ घटनास्थळी पोहोचले आणि त्यांनी बोलेरो क्रेनच्या मदतीने बाहेर काढली, आणि पंचनामा करून मृतदेह शवविच्छेदनासाठी पाठवले.

7 people including child charred to death as vehicle  in Chhindwara
संतप्त तरुणांचा 'अग्निपथ' ला विरोध: आम्ही 4 वर्षात देशसेवा कशी करायची?

बुधवारी रात्री उशिरा एक वाजण्याच्या सुमारास ही घटना घडली. दुचाकीस्वाराला वाचवण्याच्या प्रयत्नात बोलेरो अनियंत्रित होऊन रस्त्याच्या कडेला शेतात असलेल्या विहिरीत पडली. रस्त्यावरून जाणाऱ्या काही लोकांनी या अपघाताची माहिती पोलिसांना दिली, त्यानंतर तात्काळ मोहखेड पोलीस घटनास्थळी पोहोचले आणि क्रेनच्या मदतीने बोलेरो गाडी बाहेर काढली. टीआयच्या माहितीनुसार सर्व मृतदेह विहिरीतून बाहेर काढण्यात आले आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com