Delhi Acid Attack: दिल्ली पुन्हा हादरली! 17 वर्षीय मुलीवर फेकले अ‍ॅसिड...

कॉलेजला जात असतानाची घटना; तिघे ताब्यात, दोघे आरोपी अल्पवयीन
Crime News
Crime NewsDainik Gomantak

Delhi Acid Attack: पश्चिम दिल्लीतील उत्तम नगर परिसरातील मोहन गार्डन येथे 17 वर्षीय मुलीवर अ‍ॅसिड फेकल्याची घटना घडली आहे. संबंधित मुलगी लहान बहिणीसोबत कॉलेजला जात असताना हा प्रकार घडला आहे. मोटरसायकलवरून आलेल्या दोघांनी या मुलीवर अॅसिड फेकले. या घटनेने देशाची राजधानी दिल्ली पुन्हा हादरली आहे. दिल्लीत महिला सुरक्षिततेचा मुद्दा पुन्हा चर्चेत आला असून सर्वस्तरातून दोषींना कडक शिक्षा करण्याची मागणी होत आहे.

Crime News
Adhir Ranjan Chowdhury: पीएम केअरला कोणी देणग्या दिल्या; अधीररंजन चौधरींचा संसदेत सवाल

सकाळी 7.32 च्या सुमारास ही घटना घडल्याचे सीसीटीव्ही फुटेजमध्ये उघड झाले आहे. इयत्ता 12 वीत शिकणारी ही 17 वर्षीय विद्यार्थिनी तिच्या लहान बहिणीसोबत कॉलेजला चालली होती. मोहन गार्डन येथील घरातून ती बाहेर पडली. घरापासून अवघ्या काही अंतरावर आल्यावर दुचाकीवरून दोन मुले त्यांच्या दिशेने आली आणि मागे बसलेल्या मुलाने मोठ्या बहिणीच्या चेहऱ्यावर बाटलीतून अॅसिड फेकले. संबंधित मुलीला सफदरजंग रुग्णालयात दाखल करण्यात आले आहे.

Crime News
VIDEO: RBI चे माजी गव्हर्नर रघुराम राजन 'भारत जोडो यात्रेत' सामील

पीडित मुलीच्या वडीलांच्या म्हणण्यानुसार यापूर्वी मुलीने कधीही छेडछाड किंवा इतर कुणी त्रास देत असल्याबाबत घरात कधीही सांगितले नव्हते. या घटनेबाबत बोलताना डीसीपी हर्षवर्धन म्हणाले, संशयाच्या आधारे पोलिसांनी तीन मुलांना ताब्यात घेतले आहे. सीसीटीव्ही फुटेजवरून आरोपींची ओळख पटवण्याचा प्रयत्न पोलीस करत आहेत. मोहन गार्डन पोलीस ठाण्यात या प्रकरणी गुन्हा नोंद झाला आहे.

दोन संशयित आरोपी पीडित मुलीच्या घराजवळ राहतात. ही मुलगी शाळेत कुठल्या मार्गाने जाते याची आरोपींनी आधीच रेकी केली होती. अद्याप मुख्य आरोपीला अटक करण्यात पोलिसांना यश आलेले नाही. अन्य आरोपींच्या शोधासाठी अनेक पथके तयार करण्यात आली आहेत. दोन्ही आरोपी अल्पवयीन आहेत. या घटनेमागचे कारण अद्याप स्पष्ट झालेले नाही.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com