Medical Courses: 12वीनंतर हा वैद्यकीय कोर्स NEETशिवाय करता येईल, मिळे लाखात पगार

तुम्हाला माहिती आहे का? वैद्यकीय क्षेत्रात करिअर करण्यासाठी NEET परीक्षा उत्तीर्ण होणे आवश्यक नाही.
NEET Exam
NEET ExamDainik Gomantak

Medical Courses After 12th: 17 जुलै 2022 रोजी NEET परीक्षा घेण्यात आली ज्यामध्ये सुमारे 18 लाख विद्यार्थी बसले होते. नॅशनल टेस्टिंग एजन्सी (NTA) द्वारे NEET चा निकाल जाहीर केल्यानंतर, NEET स्कोअरच्या आधारे, देशातील शीर्ष वैद्यकीय महाविद्यालयांमध्ये MBBS आणि BDS अभ्यासक्रमांमध्ये प्रवेश दिला जाईल. पण तुम्हाला माहिती आहे का की वैद्यकीय क्षेत्रात करिअर करण्यासाठी राष्ट्रीय पात्रता प्रवेश परीक्षा (NEET) परीक्षा उत्तीर्ण होणे आवश्यक नाही.

NEET Exam
धक्कादायक! NEET परीक्षेदरम्यान विद्यार्थिनींना अंर्तवस्त्र काढण्यास पाडले भाग

NEET परीक्षा उत्तीर्ण न होताही तुम्ही वैद्यकीय क्षेत्रात चांगले करिअर करू शकता.जर तुम्ही भौतिकशास्त्र, रसायनशास्त्र आणि जीवशास्त्र किंवा गणित (PCB/PCM) विषयांसह इंटरमिजिएट 12वी पास असाल तर तुम्ही NEET परीक्षेशिवाय अनेक वैद्यकीय अभ्यासक्रमांमध्ये तुमचे करिअर करू शकता. त्यांची काही उदाहरणे खाली दिली आहेत.(Medical Courses without NEET)

1. बीएससी नर्सिंग

बीएससी नर्सिंग हा चार वर्षांचा पदवी स्तरावरील अभ्यासक्रम आहे, त्यानंतर उमेदवार स्टाफ नर्स, नोंदणीकृत नर्स (RN), नर्स टीचर, मेडिकल कोडर यासारख्या पदांसाठी अर्ज करू शकतात. नर्सिंगसाठी एनईईटी अनिवार्य नसली तरी आता अनेक राज्यांमध्ये बीएससी नर्सिंगचे प्रवेश एनईईटी स्कोअरद्वारे केले जात आहेत. या कोर्सनंतर, उमेदवारांना वार्षिक 3 लाख ते 8 लाख रुपये पगार मिळू शकतो.

2. B.Sc. पोषण आणि आहारतज्ञ / मानवी पोषण / अन्न तंत्रज्ञान

हा अभ्यासक्रम तीन ते चार वर्षात करता येतो. हे पूर्ण केल्यानंतर, एखाद्याला न्यूट्रिनिस्ट, फूड टेक्नॉलॉजिस्ट आणि रिसर्चच्या पदांवर नोकरी मिळू शकते. जिथे तुम्हाला वार्षिक 5 लाख रुपयांपर्यंतचे पॅकेज मिळू शकते.

3. B.Sc. बायोटेक्नॉलॉजी

12 वी नंतर जर तुम्हाला NEET उत्तीर्ण न करता वैद्यकीय क्षेत्रात करिअर करायचे असेल तर B.Sc. बायोटेक्नॉलॉजी हा एक चांगला पर्याय आहे. हा कोर्स करण्यासाठी, तुम्हाला 35,000 ते 100,000 रुपये वार्षिक शुल्क जमा करावे लागेल. हा अभ्यासक्रम तीन ते चार वर्षांत पूर्ण होतो. हा कोर्स केल्यानंतर बायोटेक्नॉलॉजिस्टच्या पदावर नोकरी मिळू शकते, जिथे वार्षिक पॅकेज 5 लाख ते 9 लाख रुपयांपर्यंत असू शकते.

NEET Exam
NEET परीक्षेत हेराफेरी, CBI ने मास्टरमाइंड अन् सॉल्व्हरसह आठ जणांना केली अटक

4. बीएससी अॅग्रीकल्चर सायन्स

बीएससी अॅग्रीकल्चर हा 4 वर्षांचा अंडरग्रेजुएट बॅचलर डिग्री कोर्स आहे. अनेक महाविद्यालये या अभ्यासक्रमाच्या प्रवेशासाठी प्रवेश परीक्षाही घेतात. तुम्हाला कोणत्याही सरकारी महाविद्यालय आणि विद्यापीठातून B.Sc अॅग्रीकल्चर करायचे असेल तर तुम्हाला वार्षिक 7 हजार ते 15 हजार रुपये शुल्क जमा करावे लागेल. दुसरीकडे, खाजगी महाविद्यालये आणि विद्यापीठांमध्ये, त्याची फी दरवर्षी 20 हजार रुपयांपासून ते 80 हजार रुपयांपर्यंत असते. या कोर्सनंतर तुम्ही अॅग्रोनॉमिस्ट, अॅग्रीकल्चर सायंटिस्ट आणि अॅग्रीबिझनेस अशा पदांवर काम करू शकता. या कोर्सनंतर तुम्ही दरवर्षी 5 लाख ते 9 लाख रुपये कमवू शकता.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com