नवी दिल्ली: कृषी आणि दुग्ध क्षेत्रात (Dairy) आपले कौशल्य सिद्ध करणारे हरियाणा(Haryana) आता मत्स्यपालनातही(Fisheries) अग्रस्थानी येण्याची योजना आखत आहे. राज्यातील मत्स्यव्यवसाय मंत्री जे.पी. दलाल म्हणाले की, राज्यात. 58 हजार हेक्टर क्षारीय जमीन सुधारून तलाव बनविला जात आहे. यामध्ये मत्स्यपालनास प्रोत्साहन दिले जाईल. मत्स्यपालनासाठी झिंगा केंद्र तयार करणे, फिश टँकची देखभाल करणे आणि फिश मार्केट विकसित करण्यासाठी सरकारने या विभागाच्या अधिकाऱ्यांना आदेश दिले आहे.(After agriculture and dairy sector Haryana will get the top position in fisheries)
मत्स्यपालनात हरियाणा कोणत्या स्थानी
दलाल म्हणाले की, राज्यात मागील वर्षी 18207.56 हेक्टर मध्ये 203160.11 मेट्रिक टन मास्यांचे पालन केले गेले. ज्यामध्ये आणखी वाढ करण्यात येणार आहे. हरियाणामधील माशांची उत्पादनक्षमता दर वर्षी हेक्टरी 3-5 टन आहे तर राष्ट्रीय सरासरी 9-6 मे.टन आहे. यावरून राज्यातील शेतकऱ्यांचा कल मत्स्यव्यवसायांकडेही असल्याचे दिसून येते. दररोज 1344 ग्रॅम दुधाच्या दरडोई उपलब्धतेमध्ये हरियाणाने आधीच क्रमांक मिळविला आहे.
आरएएस तंत्रज्ञानावर भर
मत्स्य उत्पादन आणि मत्स्य उत्पादकांचे उत्पन्न दुप्पट करण्यासाठी 34 आरएएस (रीक्रिक्युलर अ‍ॅक्वाकल्चर सिस्टम) युनिट सुरू केल्याची माहिती मंत्र्यांनी दिली. माशांच्या लागवडीचा हा एक नवीन मार्ग आहे. ज्या अंतर्गत खुल्या पाण्याच्या टाक्या, तलाव, नद्या व जलाशयांमध्ये मासे पालन करण्याच्या पारंपारिक पद्धतीच्या ऐवजी नियंत्रित वातावरणात पाण्याचा मर्यादित वापर असणाऱ्या घरातील टाक्यांमध्ये मासे पालन केले जाते.
राज्यातील 15 शासकीय मत्स्यबीज फार्मांमध्ये सुधारित व दर्जेदार बियाणे तयार केले जात आहेत. अनुवंशिकदृष्ट्या फिश बियाण्याचे उत्पादन 1828 लाख झाले आहे. त्यासाठी चरखी दादरी आणि करनाल येथे दोन मोठ्या पॅलेटिज्ड फीड मिल सुरू करण्यात आल्या आहेत. राज्यातील मत्स्य उत्पादकांना योजनांचा लाभ मिळावा यासाठी लवकरच मत्स्यपालनासाठी योजना तयार करुन केंद्रीय मंत्र्यांकडे पाठवाव्यात असे त्यांनी अधिकाऱ्यांना सांगितले. मत्स्यव्यवसाय मंत्र्यांनी अधिकाऱ्यांना गेल्या 5 वर्षात उघडलेल्या आणि बंद झालेल्या फिश युनिटची माहिती गोळा करण्याचे आदेश दिले आहे. युनिट बंद करण्याच्या कारणास्तव त्यांचा शोध घेऊन चौकशी करण्यास सांगितले गेले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.