Agniveer: कशी होणार अग्निवीरांची भरती, किती पगार अन् काय फायदे; वाचा सविस्तर

यूपी, बिहार, हरियाणासह देशातील अनेक राज्यांमध्ये अग्निपथ योजनेला विरोध सुरु आहे.
Agniveer: कशी होणार अग्निवीरांची भरती, किती पगार अन् काय फायदे; वाचा सविस्तर
AgniveerDainik Gomantak

Agniveer Notification Released: यूपी, बिहार, हरियाणासह देशातील अनेक राज्यांमध्ये अग्निपथ योजनेला विरोध सुरु आहे. दुसरीकडे, अग्निवीरांच्या भरतीसाठी अधिसूचना जारी करण्यात आली आहे. तुम्ही भारतीय लष्कराच्या वेबसाइट joinindianarmy.nic.in वर जाऊन ही सूचना डाउनलोड करुन माहिती मिळवू शकता. (Agniveer Recruitment Notification Issued Know Salary Rules Eligibility And Service Benefits)

अधिसूचनेनुसार, ऑनलाइन नोंदणी जुलैपासून सुरु होईल. या भरतीमध्ये 8वी, 10वी आणि 12वी उत्तीर्णांसाठी वेगवेगळ्या संधी असतील. 8 वी पास असणाऱ्या अग्निवीरांना ट्रेड्समन बनण्याची संधी मिळेल. जाणून घेऊया, अधिसूचनेत नमूद केलेल्या अग्निवीरांच्या भरतीचे काय नियम आहेत आणि त्यांना कोणते फायदे मिळतील आणि काय नाही…

Agniveer
Agnipath योजना मागे घेणार नाही, आंदोलकांना संधी नाही, जाणून घ्या तिन्ही सेनांच्या पत्रकार परिषदेतील 10 मोठ्या गोष्टी

कोणत्या पदावर कोणाला संधी मिळणार?

जर तुम्हाला जनरल ड्युटीसाठी अर्ज करायचा असेल तर किमान 45 टक्के गुणांसह 10 वी पास असणे आवश्यक आहे. याशिवाय सर्व विषयांमध्ये 33 टक्के गुण असणे आवश्यक आहे. एवढंच नाही तर ज्या बोर्डाच्या विद्यार्थ्यांना (Students) ग्रेड सिस्टम आहे, त्यांनी किमान डी ग्रेड मिळवणे आवश्यक आहे. याशिवाय 12वी उत्तीर्ण विद्यार्थी अग्निवीर टेकसाठी अर्ज करु शकतात. त्यासाठी बारावीमध्ये पीसीएम हा विषय असणे आवश्यक आहे. तर कोणत्याही प्रवाहातील 12 वी उत्तीर्ण विद्यार्थी अग्निवीर लिपिक आणि स्टोअरकीपर या पदासाठी अर्ज करु शकतात. इतकंच नाही तर 8 वी आणि 10 वी उत्तीर्ण झालेल्यांना अग्निवीर ट्रेड्समन बनण्याची संधी मिळणार आहे.

सेवा कालावधी किती असेल आणि अटी काय असतील

अग्निवीरांचा सेवा कालावधी 4 वर्षांचा असेल. आर्मी ऍक्ट 1950 अंतर्गत त्यांची भरती केली जाईल आणि गरज भासल्यास त्यांना देशात कुठेही नियुक्त केले जाऊ शकते. अग्निवीर झालेल्या कोणत्याही तरुणाला पेन्शन आणि ग्रॅच्युइटी मिळणार नाही. त्यांचा कार्यकाळ नावनोंदणीपासून सुरु होईल. भारतीय सैन्यात (Indian Army) अग्निवीरांचा वेगळा दर्जा असेल. अग्निवीरांची निश्चित ड्युटी कधीही बदलली जाऊ शकते. आवश्यकतेनुसार अग्निवीर कोणत्याही रेजिमेंट आणि युनिटमध्ये तैनात केले जाऊ शकतात. याशिवाय कोणत्याही प्रदेशात हस्तांतरण करता येते.

Agniveer
Agnipath: तुम्हाला माहितीये का ट्रेन बनवण्यासाठी किती खर्च येतो?

सेवा संपल्यानंतर अग्निवीरांना काय मिळणार?

प्रशिक्षणासह अग्निवीरांचा सेवा कालावधी 4 वर्षांचा असेल. त्यानंतर त्यांना 11 लाख रुपयांच्या सर्व्हिस फंड पॅकेजसह लष्कराकडून निरोप देण्यात येणार आहे. या 11 लाख रुपयांमधून त्यांच्या सेवेदरम्यान मिळालेल्या पगारातून 5 लाख रुपये कापले जातील. याशिवाय तीच रक्कम सरकार जमा करेल आणि त्याचे व्याज जोडल्यास एकूण रक्कम 11 लाख रुपये होईल. माजी सैनिकांसारखा आरोग्य योजनेचा लाभ अग्निवीरांना मिळणार नाही. याशिवाय कॅन्टीन सुविधा आणि माजी सैनिकांचा दर्जाही मिळणार नाही. याशिवाय, ऑफिशियल सिक्रेट्स अ‍ॅक्ट, 1923 अंतर्गत, ते सेवेदरम्यान सैन्याविषयी कोणतीही संवेदनशील माहिती कोणालाही शेअर करु शकणार नाहीत.

नियमित शिपाई म्हणून संधी कशी मिळेल

4 वर्षांच्या सेवेनंतर केवळ 25 टक्के अग्निवीरांना नियमित सैनिक म्हणून निवडले जाईल. तथापि, अग्निवीर झालेल्या कोणत्याही व्यक्तीला त्याची निवड करण्याचा अधिकार नाही. हे पूर्णपणे भारतीय लष्कराच्या मॅन्युअल आणि चाचणीवर अवलंबून असेल. अग्निवीर झालेल्या लोकांसाठी अधिसूचनेमध्ये एक मोठी घोषणा करण्यात आली आहे की, आता त्यांच्यामधून नियमित सैनिकांची भरती केली जाईल. वैद्यकीय शाखेतच स्वतंत्र लोकांची भरती केली जाईल.

Agniveer
Agnipath: सरकारच्या या 5 नव्या घोषणा 'अग्निपथ' विरोधातील आंदोलन रोखणार?

अग्निवीरांचा पगार किती असेल

अग्निवीरांना पहिल्या वर्षी दरमहा 30,000 रुपये पगार मिळेल. भत्ते वेगळे असतील.

दुसऱ्या वर्षी 33,000 दरमहा पगार आणि भत्ते वेगळे दिले जातील.

तिसऱ्या वर्षी अग्निवीरांचा पगार 36,500 रुपये होईल.

चौथ्या आणि शेवटच्या वर्षात अग्निवीरांचा पगार दरमहा 40 हजार रुपये असेल.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com