अमित शहांनी कोविड प्रोटोकॉलला दिली तिलांजली, मास्क न घालता कैरानात केला प्रचार

यूपी विधानसभा निवडणुकीत शनिवारी गृहमंत्री अमित शहा (Amit Shah) यांनी प्रचारासाठी पश्चिम उत्तर प्रदेशातील कैराना मतदारसंघात पोहोचले.
अमित शहांनी कोविड प्रोटोकॉलला दिली तिलांजली, मास्क न घालता कैरानात केला प्रचार
Amit Shah Twitter/ANI

यूपी विधानसभा निवडणुकीत शनिवारी गृहमंत्री अमित शहा यांनी प्रचारासाठी पश्चिम उत्तर प्रदेशातील कैराना मतदारसंघात पोहोचले. पश्चिम उत्तर प्रदेशातील स्थलांतराच्या मुद्द्यावरुन चर्चेत असलेल्या या शहरात अमित शहा (Amit Shah) यांनी घरोघरी जाऊन प्रचार केला. त्यांनी जनतेला भाजपला (BJP) मतदान करण्याचे आवाहन करणारी पत्रके वाटून सर्वांना शुभेच्छा दिल्या. मात्र, यावेळी अमित शहा यांनी मास्क घातलेला नव्हता. तसेच सोशल डिस्टन्सिंगबाबत निवडणूक आयोगाच्या नियमांचीही पायमल्ली करताना दिसले. (Amit Shah Campaigned In Kairana Without Wearing A Mask Disregarding The Kovid Protocol)

दरम्यान, निवडणूक आयोगाने केवळ पाच जणांसोबत घरोघरी प्रचार करण्याची परवानगी दिली आहे. मात्र शहा यांच्यासोबत बरीच गर्दी होती. यावेळी तिथे जबरदस्त सुरक्षा व्यवस्थाही पाहायला मिळाली. शेकडो कार्यकर्त्यांसह अमित शहा कैरानाच्या अरुंद रस्त्यांवरुन प्रचार करत होते. यावेळी कार्यकर्त्यांकडून जोरदार घोषणाबाजीही पाहायला मिळाली. अमित शाह साधू स्वीट शॉपचे मालक राकेश गर्ग यांच्या दुकानात पोहोचले आणि त्यांच्याशी चर्चा केली.

Amit Shah
आगामी काळात जम्मू-काश्मीर विधानसभा निवडणूक होणार: अमित शहा

तसेच, कैरानातून हिंदूंच्या पलायनाच्या वेळी राकेशनेही शहर सोडले होते, परंतु आता मी पुन्हा परतलो असल्याचे त्यांनी सांगितले. मात्र, अमित शहा यांनी कैरानामधील जाहीर सभा पुढे ढकलली. श्यामलीमध्ये कार्यकर्त्यांच्या बैठकीला उपस्थित राहण्यासाठी शहा तेथून थेट रवाना झाले. पक्षाचे बडे नेते आणि निवडणूक प्रभारीही या बैठकीला उपस्थित राहणार आहेत.

शिवाय, मागील यूपी विधानसभा निवडणुकीत भाजपने पश्चिम यूपीमध्ये दणदणीत विजय मिळवला होता. याठिकाणी बहुतांश जागांवर पक्षाला यश मिळाले, मात्र यावेळी शेतकरी आंदोलनाबाबत घरोघरी जाऊन मतदारांची मने जिंकण्याचा पक्षाचा प्रयत्न सुरु आहे. कार्यकर्त्यांमध्ये उत्साह निर्माण करण्याच्या रणनीतीचा भाग म्हणून अमित शहा घरोघरी जावून प्रचार करत आहेत.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.