Gujarat Election: गुजरातमध्ये भाजप सगळे रेकॉर्ड मोडणार, शहांनी वर्तवले भाकीत

Amit Shah: साणंद हा शहा यांच्या गांधीनगर लोकसभा मतदारसंघांतर्गत येतो.
Amit Shah
Amit Shah Dainik Gomantak

Gujarat Election: पुढील महिन्यात होणाऱ्या विधानसभा निवडणुकीत भारतीय जनता पक्ष (BJP) विजयी होईल, असा विश्वास केंद्रीय गृहमंत्री अमित शहा यांनी मंगळवारी व्यक्त केला. भाजप सर्व विक्रम मोडून गुजरातमध्ये बहुमताने सरकार स्थापन करेल, असा दावा शहांनी केला आहे. सध्या भाजपचे चाणक्य म्हटल्या जाणार्‍या शहांनी पंतप्रधान नरेंद्र मोदी आणि गुजरातचे मुख्यमंत्री भूपेंद्र पटेल यांचे कौतुक करत राज्याचे नशीब बदलल्याचे सांगितले.

दरम्यान, साणंद विधानसभा मतदारसंघातील भारतीय जनता पक्षाचे (BJP) उमेदवार कनुभाई पटेल हे उमेदवारी अर्ज दाखल करण्यासाठी निवडणूक अधिकाऱ्यांकडे गेले तेव्हा शहा त्यांच्यासोबत होते. पटेल हे कोळी समाजाचे असून ते साणंदचे विद्यमान आमदार आहेत. साणंद हा शहा यांच्या गांधीनगर लोकसभा मतदारसंघांतर्गत येतो.

Amit Shah
Gujarat Election: काँग्रेससोबत 'आप' सरकार स्थापन करणार? केजरीवालांनी दिले उत्तर

शहा पुढे म्हणाले की, "भाजप या विधानसभा निवडणुकीत मागील सर्व विक्रम मोडेल. आत्तापर्यंतच्या सर्वाधिक जागा जिंकून आणि सर्वाधिक मताधिक्य मिळवून भाजप पुन्हा एकदा प्रचंड बहुमताने सरकार स्थापन करेल, असा आम्हा सर्वांना विश्वास आहे.''

शहा पुढे असेही म्हणाले की, "पंतप्रधान नरेंद्र मोदी (Prime Minister Narendra Modi) यांच्या नेतृत्वाखाली गुजरातचे मुख्यमंत्री भूपेंद्र पटेल यांनी राज्यात अनेक विकासकामे केली आहेत. कायदा आणि सुव्यवस्था बळकट झाली असून त्यांनी (मुख्यमंत्री पटेल) राज्याच्या अर्थव्यवस्थेलाही चालना दिली. आरोग्य, शिक्षण आणि विविध क्षेत्रांत सुधारणा केल्या आहेत. ओबीसींच्या सर्वांगीण विकासासाठी मोदींनी आपल्या मुख्यमंत्रीपदाच्या कार्यकाळात विकसित केलेले मॉडेल गुजरातचे मंत्री पुढे नेण्याचा प्रयत्न करत आहेत.''

Amit Shah
Gujarat Election: रेल्वे नाही तर मतदान नाही! गुजरातमधील 18 गावातील ग्रामस्थांचा निर्धार

दुसरीकडे, 182 सदस्यीय गुजरात (Gujarat) विधानसभेसाठी 1 आणि 5 डिसेंबरला दोन टप्प्यात मतदान होणार आहे. पहिल्या टप्प्यात 89 तर दुसऱ्या टप्प्यात साणंदसह 93 जागांवर मतदान होणार आहे. दुसऱ्या टप्प्यातील उमेदवारी अर्ज भरण्याची अंतिम तारीख 17 नोव्हेंबर आहे.

तसेच, भाजपने विद्यमान आमदार कनुभाई पटेल यांना पुन्हा उमेदवारी दिल्यानंतर, पक्षाचे स्थानिक नेते आणि सानंद कृषी उपज मंडी समितीचे (एपीएमसी) अध्यक्ष खेंगार पटेल, ज्यांना तिकीट मिळण्याची आशा होती, त्यांनी कनुभाई पटेल यांच्या विरोधात अपक्ष म्हणून निवडणूक लढवण्याची घोषणा केली.

Amit Shah
Gujarat-Himachal Election: गुजरात, हिमाचलमध्ये 'इतके' कोटी रूपये जप्त

तथापि, शहा यांची भेट घेतल्यानंतर, खेंगार पटेल यांनी निवडणूक लढवण्याची योजना सोडली आणि कनुभाई पटेल उमेदवारी अर्ज दाखल करण्यासाठी गेले तेव्हा त्यांच्यासोबत गेले.

Amit Shah
Gujarat Election 2022: 'या' वादग्रस्त माजी पोलीस अधिकाऱ्याचा पक्ष देणार भाजपला टक्कर !

"एपीएमसीचे अध्यक्ष खेंगारभाई यांनी यापूर्वी उमेदवारी अर्ज भरण्याची घोषणा केली असली तरी (लढण्यासाठी) त्यांनी भाजपच्या आवाहनाचा आदर केला याचा आम्हाला आनंद आहे," असेही शहा म्हणाले. गेल्या निवडणुकीपेक्षा ही जागा भाजप मोठ्या मताधिक्याने जिंकेल याची मला खात्री आहे, असेही शहा म्हणाले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com