Amritpal Singh CCTV: अमृतपालने पोलिसांना दिला गुंगारा; गाडी बदलून झाला फरार, पाहा सीसीटीव्ही फुटेज

अमृतपालने ब्रीझा कारमध्येच कपडे बदलले. त्याने आपला चोला काढला आणि तेथून पँट शर्ट घालून दोन मोटारसायकलवरून तीन साथीदारांसह पळ काढला.
Amritpal Singh CCTV
Amritpal Singh CCTVDainik Gomantak

Amritpal Singh CCTV Footage: खलिस्तान समर्थक अमृतपाल सिंगला पकडण्यासाठी पोलिस सातत्याने विविध ठिकाणी छापे टाकत आहे. त्याच्या अनेक साथीदारांना अटक करण्यात आली आहे. दरम्यान, सध्या एक सीसीटीव्ही फुटेज समोर आले आहे. ज्यामध्ये अमृतपाल जालंधरमधील शाहकोट येथे त्याच्या मर्सिडीज कारमधून खाली उतरला आणि शाहकोटमध्ये तो त्याच्या एका सहकाऱ्याच्या ब्रीझा कारमध्ये बसल्याचे दिसत आहे.

अमृतपालने ब्रीझा कारमध्येच कपडे बदलले. त्याने आपला चोला काढला आणि तेथून पँट शर्ट घालून दोन मोटारसायकलवरून तीन साथीदारांसह पळ काढला.

पंजाब पोलिस अमृतपालला कोणत्याही प्रकारे पाठिंबा देत नाही. अमृतपालसोबत मोजकेच लोक होते, ज्यांना अटक करण्यात आली आहे. असे पंजाब पोलिसांनी म्हटले आहे. दरम्यान, अमृतपाल त्याच्याकडे येणाऱ्या तरुणांना ड्रग्जपासून मुक्त करण्यासाठी चिथावणी देत ​​असे. अमृतपालने AKF (Anandpur khalsa force) स्थापन केली जी बेकायदेशीर होती.

Amritpal Singh CCTV
Viral Video: प्रवाशांनी कृपया लक्ष द्या... आणि रेल्वेच्या टीव्ही स्क्रीनवर अचानक सुरू झाली पॉर्न क्लिप

अमृतपाल सिंग प्रकरणी पंजाब आणि हरियाणा हायकोर्टाने पंजाब पोलिसांना फटकारले आहे. हायकोर्टाने विचारले, "पंजाब पोलिसांकडे 80,000 जवान आहेत, तरीही अमृतपाल फरार कसा? तुमचे 80,000 पोलिस काय करत होते? तो कसा पळून गेला?" अशा शब्दात कोर्टाने पोलिसांना फटकारले आहे.

पंजाब पोलिसांच्या गुप्तचरांचे हे अपयश असल्याचे न्यायालयाने म्हटले आहे. सुनावणीदरम्यान पंजाब पोलिसांनी न्यायालयाला सांगितले की अमृतपाल सिंगवर एनएसए देखील लागू करण्यात आला आहे आणि आतापर्यंत अमृतपालच्या 120 हून अधिक साथीदारांना अटक केली आहे.

पण, पोलिसांच्या कथनावर आमचा विश्वास नाही, असे न्यायालयाने म्हटले आहे. न्यायालयाने पंजाब पोलिसांना स्टेटस रिपोर्ट दाखल करण्यास सांगितले आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com