'केंद्र सरकारला शेतकऱ्यांना स्टेडियममध्ये कैद करायचे होते, पण...': अरविंद केजरीवाल

आप शासित पंजाबमधील एका आयोजित कार्यक्रमादरम्यान, दिल्लीचे मुख्यमंत्री अरविंद केजरीवाल (Arvind Kejriwal) यांनी रविवारी शेतकऱ्यांच्या आंदोलनाची आठवण करुन दिली.
Arvind Kejriwal
Arvind Kejriwal Dainik Gomantak

आप शासित पंजाबमधील एका आयोजित कार्यक्रमादरम्यान, दिल्लीचे मुख्यमंत्री अरविंद केजरीवाल यांनी रविवारी शेतकऱ्यांच्या आंदोलनाची आठवण करुन दिली. यावेळी ते म्हणाले की, कृषी कायद्यांना विरोध करणाऱ्या शेतकऱ्यांचा बिमोड करण्यासाठी केंद्र सरकारला दिल्लीतील स्टेडियमचे तात्पुरत्या तुरुंगात रुपांतर करायचे होते. (Arvind Kejriwal said The central government wanted to imprison the farmers in the stadium)

सीएम केजरीवाल (Arvind Kejriwal) पुढे म्हणाले, "मी अण्णा आंदोलनातून पुढे आलो आहे. त्यावेळी आमच्यासोबतही असेच केले गेले. ते आम्हाला स्टेडियममध्ये ठेवायचे. मीही बरेच दिवस स्टेडियममध्ये राहिलो. मला समजले की, शेतकऱ्यांचे आंदोलन दडपण्याचा हा डाव आहे.''

Arvind Kejriwal
बंगालमध्ये भाजपला मोठा धक्का, खासदार अर्जुन सिंह टीएमसीमध्ये दाखल

'आम्ही शेतकऱ्यांच्या पाठीशी उभे आहोत'

ते पुढे म्हणाले, "दिल्लीत (Delhi) दाखल झालेल्या शेतकऱ्यांना स्टेडियममध्ये रोखून ठेवले असते, तर शेतकऱ्यांचे आंदोलन एका स्टेडियमपुरते मर्यादित राहिले असते. परंतु आम्ही तसे करण्यास नकार दिला. आम्ही स्टेडियमचे तुरुंगात रुपांतर करणार नसल्याचे सांगितले. ते (केंद्र) त्यामुळे रागावले, परंतु आम्ही शेतकऱ्यांच्या पाठीशी उभे राहीलो.''

केजरीवाल म्हणाले, "दिल्ली सरकारने आंदोलक शेतकर्‍यांना मदत केली. त्यांना पिण्याचे शुद्ध पाणी, शौचालयाची सुविधा, लंगरमध्ये जेवण दिले. आम्ही शेतकरी बांधवांना मदत केली याचा आम्हाला आनंद आहे. आमच्याकडून जे शक्य होते ते आम्ही केले."

Arvind Kejriwal
अरविंद केजरीवाल यांच्यावर आक्षेपार्ह वक्तव्य केल्याप्रकरणी भाजप नेते तजिंदर पाल सिंग बग्गा यांना अटक

राकेश टिकैत देखील कार्यक्रमाला उपस्थित होते

ज्या कार्यक्रमात मुख्यमंत्री अरविंद केजरीवाल (Arvind Kejriwal) यांनी या गोष्टी सांगितल्या त्या कार्यक्रमात शेतकरी नेते राकेश टिकैत (Rakesh Tikait) देखील उपस्थित होते. राकेश हे वादग्रस्त कृषी कायद्यांविरोधात गेल्या वर्षी मोठ्या प्रमाणात आंदोलन करणाऱ्या नेत्यांपैकी एक होते, जे शेवटी रद्द करण्यात आले होते.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com