Assembly Election Dates: त्रिपुरा, मेघालय अन् नागालँडमधील विधानसभा निवडणुकांच्या तारखांची घोषणा...!

Assemby Election: निवडणूक आयोगाने त्रिपुरा, मेघालय आणि नागालँडमध्ये होणाऱ्या विधानसभा निवडणुकांच्या तारखा जाहीर केल्या आहेत.
Election Commission of india
Election Commission of indiaDainik Gomantak

Assemby Election: निवडणूक आयोगाने त्रिपुरा, मेघालय आणि नागालँडमध्ये होणाऱ्या विधानसभा निवडणुकांच्या तारखा जाहीर केल्या आहेत. मुख्य निवडणूक आयुक्त राजीव कुमार यांनी पत्रकार परिषदेत सांगितले की, त्रिपुरामध्ये 16 फेब्रुवारीला, मेघालय आणि नागालँडमध्ये 27 फेब्रुवारीला मतदान होणार आहे. निवडणुकीचा निकाल 2 मार्च रोजी जाहीर होणार आहे.

दरम्यान, निवडणुकीच्या तारखांच्या घोषणेसोबतच तीनही राज्यांमध्ये आदर्श आचारसंहिता लागू झाली. नागालँड विधानसभेची मुदत 12 मार्च रोजी संपत आहे, तर मेघालय आणि त्रिपुरा (Tripura) विधानसभेची मुदत अनुक्रमे 15 आणि 22 मार्च रोजी संपत आहे. तीन राज्यांच्या विधानसभेत 60-60 जागा आहेत.

तसेच, या वर्षी प्रथमच ईशान्येतील तीन राज्यांमध्ये विधानसभा निवडणुका होत आहेत. त्रिपुरामध्ये भाजपची सत्ता आहे, तर नागालँडमध्ये नॅशनलिस्ट डेमोक्रॅटिक प्रोग्रेसिव्ह पार्टीची सत्ता आहे. मेघालयात (Meghalaya) नॅशनल पीपल्स पार्टी (NPP) ची सत्ता आहे. एनपीपी हा ईशान्येतील एकमेव पक्ष आहे, जो राष्ट्रीय पक्ष म्हणून ओळखला जातो.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com