भारताच्या स्वातंत्र्याला 75 वर्षे पूर्ण झाल्याच्या स्मरणार्थ 'आझादी का अमृत महोत्सव' (Azadi Ka Amrit Mahotsav) साजरा करण्यात येत आहे. पंतप्रधान नरेंद्र मोदी (PM Narendra Modi) यांच्या आवाहनावरून देशभरामध्ये 'हर घर तिरंगा' उत्सव सुरू झाला असून तो 2 ऑगस्ट ते 13 ऑगस्टपर्यंत चालणार आहे. (Azadi Ka Amrit Mahotsav Central Government big decision Free entry to monuments museums till August 15)
या पर्वामध्ये आता केंद्र सरकारने (Central Government) लोकांना स्वातंत्र्याच्या या सणाशी जोडण्यासाठी आणि त्यांच्यात देशभक्तीची भावना वाढविण्यासाठी आणखी एक मोठा निर्णय घेतला आहे. 15 ऑगस्टपर्यंत भारतीय पुरातत्व सर्वेक्षणाद्वारे पर्यटकांना सर्व स्मारके, पुरातत्व स्थळे आणि संग्रहालये इ.मध्ये मोफत प्रवेश दिला जाणार आहे.
ASI च्या मेमोरियल-2 चे संचालक डॉ. एन.के. पाठक यांच्या वतीने बुधवारी आदेश जारी करण्यात आला आहे की, 5 ऑगस्टपासून सर्व स्मारके, पुरातत्व स्थळे आणि संग्रहालये पाहुण्यांसाठी पूर्णपणे मोफत करण्यात येणार आहेत तसेच या साइट्सवर कोणतेही शुल्क आकारले जाणार नाहीत. तसेच याबाबतचे आदेश सर्व प्रादेशिक संचालक व संबंधितांना पाठविण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
