गोव्यात प्रचारावेळी बेळगावच्या नेत्याने मांडला अश्लीलतेचा बाजार

गोव्यातील घटनेने बेळगावच्या राजकारणात खळबळ; बड्या नेत्याचे अश्लिल फोटो व्हायरल
Belgaum BJP leader objectionable photo viral in goa
Belgaum BJP leader objectionable photo viral in goaDainik Gomantak

देशात पाच राज्यात पुढील महिन्यात निवडणुका (Goa Election 2022) होणार आहे. त्यापैकीच एक गोवा राज्य आहे. गोवा राज्यात निवडणुकीच्या तोंडावर प्रचारासोबतच पक्षांतरालाही वेग आला आहे. अशाच एका मतदारसंघाच्या प्रचाराला गोव्यामध्ये (Goa) गेलेल्या बेळगाव (Belgaum) भाजपाच्या (BJP) एका नेत्याने अश्लीलतेचा बाजार मांडत नियमांच्या सर्व मर्यादा ओलांडल्या असल्याच्या चर्चा होत आहे. (Belgaum BJP leader objectionable photo viral in goa)

Belgaum BJP leader objectionable photo viral in goa
फातोर्ड्यात दामू आणि विजय पुन्हा आमनेसामने

गोवा राज्यात निवडणुकीच्या प्रचाराला गेलेल्या भाजप सारख्या राष्ट्रीय पक्षातील एका नेत्याने स्वतःचाच बाजार मांडल्याचे समोर आले आहे. गोव्यात गेल्यावर लोकांनी बेभान होतात हे स्वाभाविक असले तरी राजकीय नेत्यांना बेभान होणं परवडणारं नसतं. या भाजपच्या नेत्याने बेभान होत नशेतच आपले नग्न फोटो स्वत:च सोशल मिडियावर व्हायरल केले आहेत. विशेष म्हणजे हे फोटो त्याने स्वत: भाजप पक्षाच्या कर्नाटक राज्यातील राज्यस्तरीय ग्रुपवर टाकले आणि बेधुंद अश्लीलतेचा बाजार किळसवाणा ठरला. गोव्यात निवडणूक प्रभारी (Goa Election 2022) म्हणून काही मतदार संघाच्या प्रचाराची जबाबदारी आपल्या खांद्यावर असताना हे नेमके काय चालले आहे? असा सवाल उपस्थित केला जात आहे. या कृतीमुळे पक्षाबरोबरच बेळगाव जिल्ह्याचीही लाज या नेत्याने काढल्याची भावना व्यक्त केली जात आहे. राष्ट्रीय पक्षाच्या जिल्हा अध्यक्षाच्या या प्रकारामुळे नेता चांगलाच वादाच्या भोवऱ्यात अडकला आहे.

Belgaum BJP leader objectionable photo viral in goa
Punjab Assembly Election साठी भाजपची दुसरी यादी जाहीर

त्यानंतर घडलेला प्रकार त्याहून भयंकर होता. पक्षाच्या ग्रुप वर पडलेल्या या फोटोचा स्क्रीन शॉट काढून पक्षातीलच एका व्यक्तींनी व्हायरल केला आहे. यामुळे विरोधी पक्षातील नेत्यांना आयतेच कारण मिळाले. नेत्याच्या या अश्लील कृत्याचा मुद्दा निवडणुकीच्या तोंडावर गोव्याच्या राजकारणात पुन्हा चर्चेचा ठरत आहे. बेळगावातील अनेक माध्यमानी या बातमीची दखल घेतली. निवडणुकीच्या प्रचाराला गेलात की गोव्यात ऐयाशी करायला गेलात असा सवाल सर्वसामान्य जनतेमधून उपस्थित केला जात आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com