कोण आहे तजिंदर बग्गा? 'प्रशांत भूषण यांना थप्पड मारणारा...'

पंजाब (Punjab) पोलिसांनी शुक्रवारी भाजप नेते तजिंदर पाल सिंग बग्गा यांना त्यांच्या दिल्लीतील राहत्या घरातून अटक केली.
कोण आहे तजिंदर बग्गा? 'प्रशांत भूषण यांना थप्पड मारणारा...'
Tajinder Pal Singh BaggaDainik Gomantak

पंजाब पोलिसांनी शुक्रवारी भाजप नेते तजिंदर पाल सिंग बग्गा यांना त्यांच्या दिल्लीतील राहत्या घरातून अटक केली. बग्गा यांना अटक झाल्यानंतर पंजाब, हरियाणा आणि दिल्लीत राजकारण तापलं आहे. 1 एप्रिल 2022 रोजी पंजाब (Punjab) पोलिसांनी सोशल मीडियावर प्रक्षोभक वक्तव्ये करणे, लोकांना भडकावणे, द्वेष पसरवणे यासाठी बग्गा विरुद्ध गुन्हा दाखल केला होता. बग्गा अशा वादात अडकण्याची ही पहिलीच वेळ नाही. याआधीही त्यांचे नाव अनेक वादांशी जोडले गेले आहे. (Bharatiya Janata Party's Delhi unit spokesperson is Tajinder Pal Singh Bagga)

अशा परिस्थितीत कोण आहे तजिंदर पाल सिंग बग्गा? त्यांचे नाव यापूर्वी कोणत्या वादांशी जोडले गेले आहे? ते समजून घेऊया...

Tajinder Pal Singh Bagga
"वैचारिक मतभेद, पण...": तजिंदर बग्गासाठी नवज्योत सिंग सिद्धू उतरले मैदानात

कोण आहे तजिंदर पाल सिंग बग्गा?

राजकीय वादांच्या जगात तजिंदर बग्गा यांचे नाव नवीन नाही. बग्गा अण्णा आंदोलनादरम्यान केजरीवाल संघाचा एक भाग होते, त्यांनी वयाच्या 16 व्या वर्षी राजकारणात प्रवेश केला होता. वयाच्या 23 व्या वर्षी ते भारतीय जनता युवा मोर्चाचे कार्यकर्ता बनले. बग्गा यांनी भगतसिंग क्रांती सेना नावाची संघटनाही स्थापन केली आहे. जाणून घेऊया, आतापर्यंत कोणत्या मोठ्या वादांमध्ये ताजिंदर बग्गाचं नाव आलयं...

Tajinder Pal Singh Bagga
अरविंद केजरीवाल यांच्यावर आक्षेपार्ह वक्तव्य केल्याप्रकरणी भाजप नेते तजिंदर पाल सिंग बग्गा यांना अटक

1. अरविंद केजरीवाल यांच्या विरोधात निषेध

दिल्लीचे मुख्यमंत्री अरविंद केजरीवाल (Arvind Kejriwal) आणि भाजप नेते तजिंदर बग्गा यांच्यात गेल्या महिनाभरापासून संघर्ष सुरु आहे. किंबहुना, विवेक अग्निहोत्री यांचा चित्रपट द काश्मीर फाइल्स प्रदर्शित झाल्यानंतर केजरीवाल म्हणाले होते की, ''जर भाजप आमदारांना हा चित्रपट करमुक्त पाहायचा असेल तर तो यूट्यूबवर अपलोड करावा. याचा सर्वसामान्यांनाही फायदा होईल आणि ते सर्वांसाठी मोफत होईल. यासोबतच त्यांनी पंतप्रधान नरेंद्र मोदींवर राजकीय फायद्यासाठी या चित्रपटाचा वापर केल्याचा आरोपही केला आणि याला भाजप समर्थित आणि खोटा चित्रपट म्हटले.''

दरम्यान, या वादात तजिंदर बग्गा हेही सीएम केजरीवाल यांच्या विरोधात मैदानात उतरले होते. बग्गा यांच्या नेतृत्वाखाली आंदोलकांनी केजरीवाल यांच्या निवासस्थानाची तोडफोड केली. यासोबतच त्यांच्या निवासस्थानाच्या मुख्य गेटवर आणि भिंतींना भगवा रंग लावण्यात आला होता. बग्गा यांनी सोशल मीडियावर (Social Media) केजरीवाल यांना वारंवार धमकीही दिली होती. या संदर्भात 1 एप्रिल रोजी बग्गा यांच्या विरोधात एफआयआर दाखल करण्यात आला होता. यानंतर पंजाब पोलीस बग्गाला पकडण्यासाठी प्रयत्न करत होते.

Tajinder Pal Singh Bagga
कुरुक्षेत्रात 'महाभारत', तजिंदर बग्गाला हरियाणा पोलिसांनी दिल्ली पोलिसांच्या दिले ताब्यात

2. राजीव गांधींना 'मॉब लिंचिंगचे जनक' संबोधले

2018 मध्ये काँग्रेस नेते राहुल गांधी यांनी 1984 शीख दंगलीत काँग्रेसची भूमिका नाकारली होती. यानंतर, भाजपचे प्रवक्ते तजिंदर बग्गा यांनी एक पोस्टर जारी केले, ज्यामध्ये राजीव गांधींना मॉब लिंचिंगचे जनक म्हटले होते.

तजिंदर बग्गा म्हणाले होते की, 'राजीव गांधी हे 84 च्या दंगलीचे सूत्रधार होते हे सर्वांना माहीत आहे. मोठं झाड पडलं की पृथ्वी हादरते, असं म्हणत त्यांनी दंगलीतील आपली भूमिकाही मान्य केली होती.' बग्गा यांच्या म्हणण्यानुसार, दंगलीत काँग्रेसची भूमिका नव्हती, तर माजी पंतप्रधान मनमोहन सिंग यांनी माफी का मागितली हेही पक्षाने स्पष्ट केले पाहिजे. तजिंदरने या हल्ल्यात काँग्रेस नेते कमलनाथ यांचा हात असल्याचा आरोपही केला. तजिंदरचे पोस्टर आणि वक्तव्य हा देशाचा आणि पंतप्रधानांच्या खुर्चीचा अपमान असल्याचे काँग्रेस नेत्यांनी म्हटले आहे.

Tajinder Pal Singh Bagga
दिल्लीतील आमदार लवकरच होणार 'मालामाल'; जाणून घ्या किती मिळणार पगार?

3. काँग्रेसच्या सभेबाहेर चहा विकला

2014 च्या लोकसभा निवडणुकीपूर्वी काँग्रेस नेते मणिशंकर अय्यर यांनी पंतप्रधान मोदींबाबत वक्तव्य केले होते. मोदी कधीही देशाचे पंतप्रधान होऊ शकत नाहीत, असे अय्यर म्हणाले होते. ते चहा विकायचे आणि पुन्हा आम्ही त्यांचा चहा विकायला जागा शोधू. दुसरीकडे, अय्यर यांच्या या वक्तव्यावर तजिंदर बग्गा यांनी त्यांना घेरले. मणिशंकर अय्यर यांच्या विरोधात निषेध नोंदवण्यासाठी बग्गा यांनी निवडणुकीशी संबंधित काँग्रेसच्या बैठकीत त्यांच्या कार्यालयाबाहेर उभे असताना चहा विकला.

4. प्रशांत भूषण यांना थप्पड मारली

वरिष्ठ वकील आणि टीम अण्णाचे सदस्य प्रशांत भूषण यांना 2011 मध्ये भगतसिंग क्रांती सेनेचे अध्यक्ष तजिंदर सिंग बग्गा यांनी थप्पड मारली होती. भूषण हे सर्वोच्च न्यायालयाच्या संकुलासमोरील त्यांच्या कार्यालयात बसले होते. त्यानंतर भगतसिंग क्रांती सेनेच्या कार्यकर्त्यांनी त्यांच्यावर हल्ला केला.

मीडिया रिपोर्ट्सनुसार, भूषण यांनी जम्मू-काश्मीरमधून सुरक्षा दल मागे घेण्याची मागणी केली होती. त्याचवेळी त्यांनी जनमताचे मूल्यमापन करण्यासाठी सार्वमत घेण्याचेही सांगितले होते. या वक्तव्यामुळेच भूषण यांच्यावर हल्ला झाला होता.

Tajinder Pal Singh Bagga
अरविंद केजरीवाल यांच्यावर आक्षेपार्ह वक्तव्य केल्याप्रकरणी भाजप नेते तजिंदर पाल सिंग बग्गा यांना अटक

5. लेखिका अरुंधती रॉय यांना काश्मिरींचा शत्रू म्हटले

तजिंदर बग्गा यांनी सुप्रसिद्ध इंग्रजी लेखिका आणि समाजसेवी अरुंधती रॉय यांच्या पुस्तकाच्या कार्यक्रमातही खळबळ उडवून दिली होती. 2011 मध्ये, अरुंधती रॉय तिच्या "द ब्रोकन रिपब्लिक" या पुस्तकाचे प्रकाशन करण्यासाठी दिल्लीतील इंडिया हॅबिटॅट सेंटर येथे पोहोचल्या. कार्यक्रमादरम्यान 4 मुलांसह आलेल्या तजिंदर बग्गा यांनी रॉय यांच्या पुस्तकावरुन गोंधळ घातला होता. अरुंधती यांना काश्मिरींची शत्रू म्हणत त्यांनी शो मध्येच थांबवला होता. मात्र, सार्वजनिक ठिकाणी गोंधळ घातल्याने दिल्ली पोलिसांनी त्यांना ताब्यात घेतले. या घटनेनंतर बग्गा यांच्या घराचीही झडती घेण्यात आली होती.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.