Bihar: मुख्यमंत्री नितीश कुमार यांना कोरोनाची लागण

बिहारचे मुख्यमंत्री नितीश कुमार यांना कोरोनाची लागण झाली आहे.
Bihar: मुख्यमंत्री नितीश कुमार यांना कोरोनाची लागण
CM Nitish KumarDainik Gomantak

देशात कोरोनाच्या रुग्णांची संख्या वाढत असतानाच या विषाणूच्या विळख्यात असलेल्या राजकारण्यांची संख्याही वाढत आहे. यातच आता बिहारचे मुख्यमंत्री नितीश कुमार देखील कोरोना पॉझिटीव्ह आले आहेत. मुख्यमंत्री कार्यालयाने (CMO) जारी केलेल्या ट्विटमध्ये ही माहिती देण्यात आली आहे. विशेष म्हणजे, बिहारचे दोन्ही उपमुख्यमंत्री, तारकिशोर प्रसाद आणि रेणू देवी 5 जानेवारीला कोरोना पॉझिटिव्ह आढळले होते. याशिवाय राज्याचे दोन मंत्री सुनील कुमार आणि अशोक चौधरी यांनाही कोरोनाची लक्षणे आढळली होती.

CM Nitish Kumar
संरक्षण मंत्री राजनाथ सिंह कोरोनाच्या विळख्यात

दुसरीकडे केंद्रीय संरक्षण मंत्री राजनाथ सिंह यांनाही कोरोनाची लागण झाली आहे. राजनाथ यांनी सोमवारी एका ट्विट करुन म्हटलं की, ‘’लक्षणे अतिशय सौम्य असली तरी मला आज कोरोनाची लागण झाली आहे. मी सध्या होम क्वारंटाईनमध्ये आहे. नुकतेच माझ्या संपर्कात आलेल्या सर्वांना मी विनंती करतो की त्यांनी चाचणी करुन स्वतःला वेगळे करावे.’’ विशेष म्हणजे, अलीकडेच अनेक राजकारणी कोरोना पॉझिटिव्ह आले आहेत, ज्यात दिल्लीचे मुख्यमंत्री अरविंद केजरीवाल, तामिळनाडूतील भाजप नेत्या खुशबू सुंदर, भाजप खासदार मनोज तिवारी, राष्ट्रवादीच्या खासदार सुप्रिया सुळे, केंद्रीय मंत्री महेंद्र नाथ पांडे आणि काँग्रेस नेते रणदीप सुरजेवाला आणि दीपेंद्र हुडा यांचा समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com