देशाची राजधानी दिल्लीत लूटमारीच्या घटना सातत्याने समोर येत आहेत. अलिकडेच लाल किल्ल्याजवळ रस्त्याने जाणाऱ्या दोघा चोरट्यांनी एका दुचाकीस्वाराकडून 40 लाखांची रोखड लुटली. याप्रकरणी दिल्ली पोलिसांनी आकाश आणि अभिषेक या दोन आरोपींना अटक केली आहे.
दरम्यान, या घटनेचा व्हिडीओही समोर आला असून, त्यामध्ये कशा पद्धतीने ही चोरी करण्यात हे स्पष्टपणे दिसत आहे. पोलिसांनी दिलेल्या माहितीनुसार, हे दोघेही लुटारू असून ते फक्त दुचाकीस्वारांना लक्ष्य करायचे. पोलिसांनी त्यांच्याकडून 38 लाखांचा ऐवज जप्त केला आहे.
या दरोड्याचे सीसीटीव्ही फुटेज समोर आले असून, त्यात उमेश नावाचा व्यक्ती दुचाकीवरून जात असल्याचे दिसून येत आहे. रस्त्यावर ट्रॅफिक जॅम असल्याने तो दुचाकी हळू चालवत आहे. त्यामुळे मागून तीन दरोडेखोर आले आणि त्याची बॅग उघडून पैसे लुटून पळून गेले. मात्र दुचाकी चालवणाऱ्या व्यक्तीला त्याच्या बॅगेतून पैसे चोरीला गेल्याचा थोडाही अंदाज येत नाही.
संपूर्ण रस्त्यावर वाहनांची गर्दी असताना चोरट्यांना थांबवण्याची किंवा मुलाला चोरीची माहिती देण्याची तसदी कोणी घेतली नाही.
घटनेचा व्हिडिओ सोशल मिडियावर प्रचंड प्रमाणात व्हायरल होताना दिसत आहे. पोलिसांनी देखील याच सीसीटीव्ही फुटेजच्या आधारे चोरट्यांना शोधून काढले व त्यांच्याकडून 38 लाखांचा ऐवज जप्त केले आहेत. अद्याप दोन लाख रूपयांची माहिती समोर आलेली नाही.
दरम्यान, दिल्लीत अशा घटना वारंवार घडतात, चोरीचे सत्र अलिकडच्या काळात वाढल्याचे दिसते. सराईत चोरटे संधीचा फायदा घेऊन मोठा हात साफ करताना दिसत आहे. अशा घटनांपासून बचावासाठी पोलिसांनी नागरिकांना सार्वजनिक ठिकाणी सतर्क राहण्याचे आवाहन दिले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
