'BJP चे काम फक्त सरकार पाडणे...', मिथुन यांच्या वक्तव्यानंतर ममता बॅनर्जींचा घणाघात

Mamata Banerjee Vs Mithun Chakraborty: भाजप नेते आणि चित्रपट अभिनेते मिथुन चक्रवर्ती यांच्या वक्तव्याने पश्चिम बंगालचे राजकारण आणखी तापले आहे.
Mamata Banerjee
Mamata BanerjeeDainik Gomantak

Mamata Banerjee Vs Mithun Chakraborty: भाजप नेते आणि चित्रपट अभिनेते मिथुन चक्रवर्ती यांच्या वक्तव्याने पश्चिम बंगालचे राजकारण आणखी तापले आहे. ममता सरकारमधील दिग्गज नेते पार्थ चॅटर्जी यांना सध्या शिक्षक भरती घोटाळ्याप्रकरणी अटक करण्यात आली आहे.

दरम्यान, ममता बॅनर्जी (Mamata Banerjee) यांनी केंद्र सरकारला फटकारले. ममता म्हणाल्या की, 'केंद्रीय यंत्रणांच्या मदतीने बंगाल तोडणे सोपे नाही.' त्या पुढे म्हणाल्या की, 'लोकशाही मार्गाने निवडून आलेली सरकारे पाडण्याशिवाय भाजपकडे दुसरे काय काम उरले आहे'

Mamata Banerjee
Video: मिथुन चक्रवर्तींचा मोठा दावा, 'TMC चे 38 आमदार भाजपच्या संपर्कात'

वास्तविक, भाजप नेते मिथुन चक्रवर्ती (Mithun Chakraborty) यांनी मीडियासमोर दावा केला की, 'सध्या 39 टीएमसी (TMC) आमदार भाजपच्या (BJP) संपर्कात आहेत. तर 21 आमदार माझ्या थेट संपर्कात आहेत.' मिथुन यांच्या वक्तव्यानंतर पश्चिम बंगालच्या राजकारणात राजकीय भूकंप झाला. दुसरीकडे, ममता बॅनर्जी यांनी केंद्रातील भाजप सरकारवर सडकून टिका केली. ममता म्हणाल्या की, 'केंद्रातील सत्ताधारी पक्षाचे उद्दिष्ट केवळ लोकशाही पद्धतीने निवडून आलेल्या राज्य सरकारांना पाडणे हे आहे.'

Mamata Banerjee
'ममता बॅनर्जी या हिंदू ब्राह्मणच',भाजपच्या हिंदूविरोधी टिकेला TMC चे उत्तर

"त्यांच्याकडे (BJP) काही काम नाही, तीन-चार एजन्सींच्या माध्यमातून राज्य सरकारे ताब्यात घेणे हे त्यांचे काम आहे. त्यांनी पहिल्यांदा महाराष्ट्र, आता झारखंड काबीज केले, परंतु बंगालने त्यांचा पराभव केला," असेही ममता बॅनर्जी म्हणाल्या. बंगालला तोडणे सोपे नाही. रॉयल बंगाल टायगरशी त्यांना लढावे लागले." असेही ममता शेवटी म्हणाल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com