Madhya Pradesh: मध्य प्रदेशातील भाजप खासदाराचा व्हिडीओ सोशल मीडियावर चांगलाच व्हायरल होत आहे. या व्हिडीओमध्ये शाळेतील शौचालयाची स्वच्छता करताना खासदार महोदय दिसत आहेत. जनार्दन मिश्रा असे या खासदाराचे नाव आहे. व्हिडिओमध्ये खासदार जनार्दन मिश्रा हे ग्लब्स न घालता शाळेतील टॉयलेट साफ करताना दिसत आहेत.
दरम्यान, शाळेतील स्वच्छतागृह स्वच्छ करण्याबाबत खासदार महोदयांनी एक ट्विटही केले आहे. या ट्विटमध्ये त्यांनी लिहिले आहे की, 'पक्षातर्फे चालवल्या जात असलेल्या सेवा पखवाडा अंतर्गत युवा मोर्चाने कन्या शाळा खातखरी येथे वृक्षारोपण कार्यक्रमानंतर शाळेतील (School) स्वच्छतागृहांची स्वच्छता केली.'
मीडिया रिपोर्ट्सनुसार, पंतप्रधान नरेंद्र मोदी (Prime Minister Narendra Modi) यांच्या वाढदिवसापासून (17 सप्टेंबर) भाजप युवा मोर्चाने राज्यात स्वच्छता मोहीम राबवली आहे, जी 2 ऑक्टोबरपर्यंत चालणार आहे. या अभियानांतर्गत वृक्षारोपण कार्यक्रमात सहभागी होण्यासाठी खासदार मिश्रा या शाळेत पोहोचले होते.
तसेच, शाळेत पोहोचल्यानंतरच रीवाचे खासदार मिश्रा यांच्या लक्षात आले की, शाळेतील स्वच्छतागृहे अतिशय अस्वच्छ आहेत. त्यानंतर त्यांनी स्वतः स्वच्छतागृहाची साफसफाई करण्यास सुरुवात केली. यावेळी ते म्हणाले की, 'आपल्या सभोवतालची स्वच्छता राखणे ही प्रत्येकाची जबाबदारी आहे. महात्मा गांधींप्रमाणेच (Mahatma Gandhi) पंतप्रधान मोदींनाही हा संदेश घरोघरी पोहोचवायचा आहे.'
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
