"हर कदम पर साथ खड़ा हूं..": या भाजप खासदाराने आंदोलकांच्या बाजूने केले ट्वीट

सैन्य भरतीसाठी केंद्र सरकारने आणलेल्या अग्निपथ योजनेच्या विरोधात देशभरात निदर्शने सुरु आहेत.
"हर कदम पर साथ खड़ा हूं..": या भाजप खासदाराने आंदोलकांच्या बाजूने केले ट्वीट
Varun GandhiDainik Gomantak

Agnipath Scheme Protest: सैन्य भरतीसाठी केंद्र सरकारने आणलेल्या अग्निपथ योजनेच्या विरोधात देशभरात निदर्शने सुरु आहेत. बिहार आणि उत्तर प्रदेशात प्रचंड निदर्शने झाली. बिहारमध्ये आंदोलकांनी ट्रेनचे डबे पेटवून रास्ता रोको केला. भाजप कार्यालयाची तोडफोड करण्याबरोबरच संतप्त तरुणांनी राज्यातील काही भाजप नेत्यांच्या घरांवरही हल्ले केले आहेत.

Varun Gandhi
Agnipath Scheme Protest: सिकंदराबादमध्ये 1 ठार, 15 हून अधिक जखमी

दरम्यान, यूपीमध्येही राष्ट्रीय महामार्ग रोखण्यासोबतच जाळपोळीच्या घटनाही समोर आल्या आहेत. योजनेला विरोध करणाऱ्या तरुणांनी यमुना एक्स्प्रेस वेवर बस उलटवली. देशभरात सुरु असलेल्या निदर्शनांच्या पार्श्वभूमीवर भाजप (BJP) खासदार वरुण गांधी (Varun Gandhi) केंद्र सरकारच्या योजनेला विरोध करणाऱ्या लष्करी उमेदवारांच्या बाजूने उघडपणे मैदानात उतरले आहेत. काही काळापासून भाजप नेतृत्वावर नाराज असलेल्या वरुण गांधींनी शुक्रवारी एका ट्विटमध्ये विद्यार्थ्यांना (Students) या संघर्षात प्रत्येक टप्प्यावर सोबत राहण्याची ग्वाही दिली.

वरुण गांधी यांनी ट्विटमध्ये लिहिले की, "मी या संघर्षात प्रत्येक टप्प्यावर लष्करी उमेदवारांच्या पाठीशी उभा आहे. तुम्हा सर्वांना विनंती आहे की, संयम बाळगा आणि 'लोकशाही प्रतिष्ठा' जपत विविध माध्यमातून सरकारला आपले निवेदन पाठवा. एक 'सुरक्षित' भविष्य' हा प्रत्येक तरुणाचा हक्क आहे! न्यायाचा विजय होईल.''

Varun Gandhi
भाजप-काँग्रेसला क्रॉस व्होटिंगची भीती, या जागांवर बिघडली समीकरणे

विशेष म्हणजे, वरुण गांधी यांनी गुरुवारी म्हटले होते की, 'अग्निपथ योजनेमुळे तरुणांमध्ये अधिक असंतोष निर्माण होईल. संरक्षण मंत्री राजनाथ सिंह (Rajnath Singh) यांना लिहिलेल्या पत्रात वरुण यांनी या योजनेशी संबंधित धोरणात्मक तथ्ये सरकारने समोर आणून आपली भूमिका स्पष्ट करावी, अशी मागणी केली होती.'

गांधी पुढे म्हणाले की, 'या योजनेतील तरतुदींबाबत देशभरातील तरुणांनी अनेक शंका-कुशंका व्यक्त केल्या आहेत.' चार वर्षांच्या कालावधीनंतर निवृत्त होणाऱ्या सैनिकांचे काय होणार, असा सवालही वरुण यांनी उपस्थित केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com