'निवडणुकीत KCR ने पैसे दिले तर घ्या, पण...': तेलंगणा भाजप अध्यक्ष

तेलंगणा भारतीय जनता पक्षाचे (BJP) अध्यक्ष बंदी संजय यांनी मुख्यमंत्री के. चंद्रशेखर राव यांच्यावर मतांसाठी पैसे वाटल्याचा आरोप केला.
BJP President Bandi Sanjay
BJP President Bandi SanjayDainik Gomantak

तेलंगणा भारतीय जनता पक्षाचे (BJP) अध्यक्ष बंदी संजय यांनी मुख्यमंत्री के. चंद्रशेखर राव यांच्यावर मतांसाठी पैसे वाटल्याचा आरोप केला. संजय यांनी लोकांना तेलंगणा राष्ट्र समिती (TRS) कडून पैसे घ्या, पण भाजपला मतदान करा, असे आवाहन केले. भाजप नेत्याने रविवारी महबूबनगर जिल्ह्यातील पाथेरचेड गावात प्रजा संग्राम यात्रा काढली.

दरम्यान, या सभेला संबोधित करताना संजय म्हणाले, "केसीआर यांना विश्वास आहे की, त्यांनी पैसे दिले तर गरीब लोक त्यांना मतदान करतील. मी म्हणतो त्यांच्याकडून पैसे घ्या. अशा प्रकारे त्यांचा बँक बॅलन्स कमी होईल. नाहीतर ते आणखी श्रीमंत होतील आणि तुम्ही गरीबच राहाल. तुम्हाला पैसे घ्यावे लागतील, जर त्याने 5,000 किंवा 10,000 रुपये दिले तर ते स्वीकारा." (BJP president Bandi Sanjay accused Chandrasekhar Rao of distributing money for votes Did)

BJP President Bandi Sanjay
मोदी सरकारचा जलवा, 8 वर्षे पूर्ण झाल्याबद्दल भाजप देशभरात आयोजित करणार कार्यक्रम

'पोटनिवडणुकीत लोकांनी पैसे घेऊन भाजपला मतदान केले'

दुबक आणि हुजुराबाद पोटनिवडणुकीचा संदर्भ देत संजय म्हणाले की, टीआरएसने निवडणुकीपूर्वी पैसे वाटले, परंतु लोकांनी भाजपला (BJP) मतदान केले. "दुबक आणि हुजुराबाद पोटनिवडणुकीदरम्यान, टीआरएसने मतांसाठी 5,000 ते 10,000 रुपये वाटले, लोकांनी ते स्वीकारले परंतु मत मात्र त्यांनी भाजपला दिले."

BJP President Bandi Sanjay
मोदी सरकारचा सेलिब्रेटिंवर टि्वटसाठी दबाव? राज्य सरकार करणार चौकशी

ते पुढे म्हणाले की, ''या दोन्ही पोटनिवडणुकीत आम्ही टीआरएसच्या विद्यमान जागा जिंकल्या आहेत. त्याचप्रमाणे, ग्रेटर हैदराबाद महानगरपालिका निवडणुकीत आम्ही 4 पैकी 48 जागा जिंकल्या आहेत. पुढील वर्षी तेलंगणा (Telangana) विधानसभेच्या निवडणुका होणार आहेत.''

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com