BJP Candidate List Gujarat: रविंद जडेजाच्या पत्नीला भाजपची उमेदवारी

गुजरात विधानसभेसाठी भाजपची 160 उम्मीदवारांची यादी जाहीर; केवळ 14 महिलांना तिकिट
BJP Candidate List Gujarat:
BJP Candidate List Gujarat:Dainik Gomantak

BJP Candidate List Gujarat: गुजरात विधानसभा निवडणुकीसाठी भाजपने 160 उमेदवारांची पहिली यादी जाहीर केली आहे. केंद्रीय मंत्री भुपेंद्र यादव यांनी उमेदवारांची घोषणा केली. विशेष म्हणजे, या यादीत भारतीय क्रिकेट संघातील खेळाडू रविंद्र जडेजा याची पत्नी रीवाबा यांचाही समावेश आहे. रीवाबा या जामनगर उत्तर या मतदारसंघातून निवडणूक लढवतील.

BJP Candidate List Gujarat:
Unemployed Son Killed Mother : आधी नोकरी मगच छोकरी; क्षुल्लक कारणावरुन मुलाने आईलाच संपवलं

दरम्यान, गुजरातचे मुख्यमंत्री भुपेंद्र पटेल हे घाटलोढिया येथून निवडणूक लढतील. भाजपच्या या यादीत केवळ 14 महिलांचा समावेश आहे.

माजी मुख्यमंत्री विजय रूपाणी यांचे तिकिट कापले

भाजपने विद्यमान आमदारांपैकी 69 आमदारांना तिकीट दिले आहे तर 38 आमदारांची तिकीटे भाजपने कापली आहेत. या 38 ठिकाणी नव्या चेहऱ्यांना संधी दिली आहे. ज्या आमदारांची तिकिटे कापली आहेत, त्यात माजी मुख्यमंत्री विजय रुपाणी यांच्यासह नितिन पटेल, भूपेंद्र सिंह चूड़ासमा, आर. सी. फलदू, प्रदीप सिंह जडेजा, सौरभ पटेल यांचा समावेश आहे. या नेत्यांनी यापुर्वीच पक्षाला पत्र लिहून पक्षासाठी काम करणार असल्याचे म्हटले होते.

BJP Candidate List Gujarat:
Earthquake: अंदमान आणि निकोबार बेटांवर जाणवले भूकंपाचे धक्के, 4.3 रिश्टर स्केल तीव्रता

मोरबीच्या विद्यमान आमदारांनाही नाकारली उमेदवारी

या यादीवर 30 ऑक्टोबर रोजी घडलेल्या मोरबी येथील पुल दुर्घटनेचाही प्रभाव दिसून आला. मोरबीचे आमदार ब्रजेश मेरजा यांचेही तिकीट पक्षाने कापले आहे. त्यांच्याजागी कांतीलाल भाई यांना उमेदवारी दिली आहे. भाजपच्या या यादीत 2017 मध्ये काँग्रेसकडून निवडणूक लढवलेल्या सात उमेदवारांचाही समावेश आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com