Gujarat निवडणुकीपूर्वी बॉलीवूड गायक मनहर उधास यांनी भाजपमध्ये केला प्रवेश

Gujarat Elections: गुजरातमधील विधानसभा निवडणुकीला अद्याप 5 महिने बाकी असताना राजकीय हालचालींना वेग आला आहे.
Manhar Udhas
Manhar UdhasDainik Gomantak

Gujarat Assembly Elections: गुजरातमधील विधानसभा निवडणुकीला अद्याप 5 महिने बाकी असताना राजकीय हालचालींना वेग आला आहे. बॉलिवूडमधील प्रसिद्ध गझल गायक पंकज उधास यांचे बंधू मनहर उधास यांनी मंगळवारी भारतीय जनता पक्षात प्रवेश केला. गांधीनगरमधील कमलम या पक्ष कार्यालयात त्यांनी औपचारिकपणे भाजपमध्ये प्रवेश केला.

दरम्यान, भाजप प्रदेशाध्यक्ष सीआर पाटील यांच्या उपस्थितीत त्यांनी भाजपमध्ये (BJP) प्रवेश केला. मनहर उधास (Manhar Udhas) यांचा जन्म राजकोटजवळील चरखडी गावात झाला. त्यांचे दोन्ही भाऊ पंकज उधास आणि निर्मल उधास हे देखील प्रसिद्ध गझलकार आणि संगीतकार आहेत. मनहर उधास यांनी हिंदीसह देशातील अनेक भाषांमध्ये गाणी गायली आहेत. त्यांच्या सर्व गुजराती अल्बमची नावे 'ए' पासून सुरु होतात.

Manhar Udhas
Gujarat: भाजप नेत्याची दारु पार्टी, Video Viral

दुसरीकडे, मनहर उधास यांनी बहुतेक बॉलीवूड (Bollywood) संगीतकारांसोबत काम केले आहे. त्याचबरोबर अनेक कलाकारांसाठी प्ले बॅक सिंगर म्हणूनही काम केले. त्यांनी हिंदी, गुजराती, पंजाबी, बंगाली आणि इतर भाषांमधील 300 हून अधिक चित्रपटांना आपला आवाज दिला आहे. आतापर्यंत त्यांचे 60 अल्बम रिलीज झाले आहेत. 'हिरो' या हिंदी चित्रपटात त्यांनी गायलेली गाणी खूप गाजली.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
www.dainikgomantak.com