पश्चिम बंगालमधील मालदा येथे बॉम्बस्फोट झाल्याची माहिती समोर आली आहे. यामध्ये पाच मुले जखमी झाली आहेत. रविवारी सायंकाळी ही घटना घडली. सर्व जखमींना जवळच्या आरोग्य केंद्रात उपचारासाठी नेण्यात आले आहे.
आरोग्य केंद्राच्या डॉक्टरांनी तीन जखमींना मालदा मेडिकल कॉलेजमध्ये उपचारासाठी पाठवले आहे. मिळालेल्या माहितीनुसार, मालदा जिल्ह्यातील कालियाचक परिसरात काही मुले आंब्याच्या बागेत खेळत होती. खेळता खेळता मुलांची नजर बॉलसारख्या वस्तूवर पडली. मुलांनी त्या बॉल सारख्या वस्तूला हात लावताच स्फोट झाला.
बॉम्बस्फोटाच्या या घटनेत पाच मुले जखमी झाली आहेत. शेजाऱ्यांनी घटनास्थळी धाव घेऊन मुलांना तात्काळ जवळच्या कालियाचक रुग्णालयात उपचारासाठी दाखल केले. तीन मुलांची प्रकृती गंभीर आहे. डॉक्टरांनी त्यांना मालदा वैद्यकीय महाविद्यालयात उपचारासाठी रेफर केले.
अन्य दोन जखमींवर कालियाचक रुग्णालयात उपचार सुरू आहेत. घटनेची माहिती मिळताच पोलीस पथकही तात्काळ घटनास्थळी पोहोचले. याप्रकरणी पोलिसांनी तपास सुरू केला आहे. हा बॉम्ब कोणी आणि कोणत्या उद्देशाने ठेवला याचा शोध सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
